اخترت لكم واهديكم .الشعراء والذيابه

كان الشاعر صقر النصافى-رحمه الله واسع الخيال وجزل المقال ، ويعد من فطاحلة الشعر فى الكويت والخليج العربى له العديد من القصائد الناطقه بالشعر الحقيقى والتى ما زالت ترددها الاجيال وتحفظها، وقصيدته التى بين ايديكم جاءت باسلوب جديد وفكره جميله حين تخيل بانه صادق الذئب واخذ يتحدث معه ويساله عن محبوبته ،ويرد على لسان الذئب فكانت هذه القصيده الرائعه بفكرتها محادثه بين شاعر وذئب شاعر اشبه بموقف حقيقى اجاد (( صقر النصافى )) بشاعريته الفذه رسمه وتجاذب اطراف الحديث مع الذئب .

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الشاعر
يا ذيب وش علّمك تهيض السانى = بعواك يوم ان المخاليق غافين.

الذيب:

انا بلايه قو جوع حدانى = الليل قمرا والضوارى فواطين.

الشاعر:

ياذيب حسّك فى منامى شعانى =لولا الحيا جاوبت صوتك بصوتين.

الذيب:

عزى لمن مثلى جداه اقنبانى = ماله جدا والناس ما هم بمعطين.

الشاعر:

ياذيب ياللى بالخلا ما تدانى = ما شفت لى حول الثميله ابويتين .


الذيب:

مريت لى بيتين يا مودمانى = عنها شمال وفى ظبطها مقيمين .

الشاعر:

ياذيب ما قاربتهم باختلانى = يا كود تبخص فى فريق اريش العين.

الذيب:

انا الذى من شاف زولى نحانى = ما احرزت اجيهم خابر غيبهم شين.

الشاعر:

يا ذيب ما عينت صافى الثمانى = عند الغنم والاّ يرد البعارين.

الذيب:

انا ما اعرف الصاحب المرحبانى = والناس واجد والعذارى مزايين.

الشاعر:

ما رّيته ياذيب عوده ليانى = والنور بين اقذيلته والحجاجين .

الذيب:

هذاك انا قبل امس شفته وجانى = من كثر دمعه محفى محجر العين .

الشاعر :

الله يوفقك الشياه السمانى = من مال كرهين الوجيه البخيلين .

[/poet]

الشاعر : عتيق بن وصل الله المدلــش

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
ياذيب كن اعــواك ما ودي اوحيـــك =واليا ســمعت اعواك قلبـي يلجـــي

وياذيب ما ني غــاوي اللي يعويـك =كما واحد من حســتـه مســــــتمجـي

عســاك مانته فاقد اهلـك وغاليــــك =مدري قنيــــب اليــاس والا ترجـــي

اصبر كما صبـــري على كل ما يجيــك =والله ينـادي بالســـعـد والفرجـــي

انكان نـدك جـــوع تعـال اعشــــيـك =وابيك تســـكن عندنـا مـا تهجـــي

اقـــدم المـاجـــود والله يحيـيـــك =ورزقي على اللي مــاش دونه ملجـــي

واليا بغيــت تروح قلـي واخــاويـك =ودي بــدرب الذيب مع كـل فجـــــي

ابايعـــك واعـادي اللـي يعاديـــك =ومــن وين ما ســــجيت حالف لأســجي

شــوقتني ياذيب ما ازيـن معــاديـك =اليا اختلــط بالليـل بـرد وعجـــي

ولا تصبــح الا في عــلاوي محــاجيـك =واللي يبــي يقتلـك ياذيـب دجــي

ياذيب لا تــوذي عليـه ولا اوذيـــك =في راس مـــرقاب الخـــلا نندمجـي

وان جاك ضــده من عدوك ما اخليـــك =وعيــب على اللي خــوته ما تنجـي

ياذيب عــاهدني واعاهدك ما ارميك =وان بقــت بايق في صيــامي وحجــي
[/poet]

الشاعر : بركات الشريف يامرقب بالصبح

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
يا مرقب بالصبح نطيت عاليك =ما واحد قلبي خبرته تعلاك
وليت ياذا الدهر ماكثر بلاويك =الله يزودنا السلامة من اتلاك
ياللي على العربان عمت شكاويك =وليت يا دهر الشقا ول مقواك
واليوم هالكانون غاد شبابيك =تلعب به الارياح من كل شباك
يا مالك اسمع جابتي يوم اوصيك =وأعرف ترى يابوك بآمرك وانهاك
وصية من والد طامع فيك =تسبق على الساقه لسانه العلياك
أوصيك بالتقوى عسى الله يهديك =لها وتدركها بتوفيق مولاك
الله برب أجدادك الغر يعطيك =مرضاته مع ما تمنى من إمناك
إحفظ دبشك اللي عن الناس مغنيك =اللي ليا بأن الخلل فيك يرفاك
وإعرف ترى مكة ولاها بناخيك =لو تشحذه خمسة ملا ليم معطاك
إجعل دروب المرجله من معانيك =وإحذر تميل عن درجها بمرقاك
لا تنسدح عنها وتبغاني اعطيك =جميع ما يكفيك ما حاصل ذاك
أدب ولدك إن كان تبغاه يشفيك =لو ضاقت إمة لا تخليه يالاك
إما سمج واستسمجك عند شانيك =ويفر من فعله صديقك وشرواك
والا بعد جهله ترا هو بياذيك =لو زعلت أمة لا تخليه يا لاك
وإحذر تضيع كل من هو ذخر فيك =معروف لا تساه واوفه بعرفاك
ترى الصنايع بين الاجواد تشريك =إليا طمعت بغرسها لا تعداك
واحذر سرور بغبة البحر يرميك =ولا عنده افلس من تشكيك وبكاك
وأوف الرجال حقوقها قبل تاتيك =لا توفيه بالهرج فالحق يقفاك
وهرج النميمة والقفا لا يجي فيك =وأياك عرض الغافل أياي وأياك
تبدي حديث للملا فيه تشكيك =وتهيم عند الناس بالكذب واشراك
واليا نويت إحذر تعلم بطاريك =كم واحد تبغي منه عرف وأغواك
وأحذر شماتت صاحب لك مصافيك =وليا جرالك جاري قال لو لاك
ولا تحسب أن الله قطوع يخليك =ولا تفرح إن الله على الناس بداك
الضيف قدم له هلا حين يلفيك =ومما تطوله يافتى الجود يمناك
إحذر تلقي الضيق مقرن علابيك =خليه محب لك صديق ليا جاك
ووصيك زلات الرفيق أن عثا فيك =ما زال يغطاها الشعر فاحتمل ذاك
راعه ولو ما شفت إنه مراعيك =عساك تكسر نيته عن معاداك
وإحذر عدوك لو ظهر لك مصافيك =خلك نبيه وراقبه وين ما جاك
لا تامنه واطلب من الله ينجيك =ويكفيك ربك شر ذو لا وذولاك
شفني أنا يا بوك بآمرك وانهيك =عن التعرض بين الاثنين حذراك
إذا حضرت اطلابه به شرابيك =اسع لهم بالصلح واللاش يفداك
ابذل لهم بالطيب ربك ينجيك =ولا تجضع الميزان مع ذا ولا ذاك
أما الشهاده فادها إن دعوا فيك =بين عمود الدين لا عميت أرياك
بالك تماشي واحد لك يرديك =طالع بني جنسك وفكر بممشاك
رافق أصيل في زمانك يشاكيك =لا شاف خلاتك عن الناس غطاك
وحذراك عن طرد المقفي حذاريك =عليك بالمقبل واترك اللي تعداك
ثم إلعن الشيطان حذراك يغويك =ترى أن تبعته لشرابيك وداك
وأوصل لا تشكي علينا بلاويك =انت السبب اطرفت عينك بيمناك
وإعرف ترى اللي واطا الفعرو اطيك =ولا أنته أعز من الجماعة هذولاك
ألمسك يا راسي من الذل وأخطيك =وأحذر تكلم يالساني وحذراك
وألطف بجارك قوم من دون عانيك =وافطن لما يعنيك عن ربعة اخواك
ياذيب وإن جتك الغنم في مفاليك =فاكمن لها ياذيب لاما تعداك
فيما مضى يا ذيب تفرس بياديك =واليوم جاء ذيب عن الفرس عداك
ياذيب عاهدني وعاهدك مارميك =مرميك أنا ياذيب لو زان مرماك
والنفس خالف رايها قبل ترميك =ترى لها الشيطان يرمي بالاهلاك
ومن بعد ذا لا تصاحب ال*** يعديك =عن صحبة الانذال يابوك حذراك
والهقوة انك ما تجي دون أهاليك =ولا ظن عود الورد يثمر بتمباك
الحر مثلك يستجي يصحب الديك =وإن صاحبه عاعا مععات الادياك
لا تستمع قول الطرف يوم يلقيك =بالكذب يقضي حاجته كل ماجاك
من نم لك نم بك ولا فيه تشكيك =وألياه قد زرى رفيقك وزراك
عندك حكا فينا وعندي حكا فيك =وأصبحت كارهنا وحنا كرهناك
ما خطاك ما صابك ولو كان راميك =واللي مصيبك لو تتقيت مخطاك
مير استمع مني عسى الله يهديك =أنصحك يا ما لك لك الله مولاك
عندي مظنه ما تمثلثها فيك =واطلب لك التوفيق من عند مولاك
[/poet]

شالح بن هدلان

[poet font="Simplified Arabic,14,black,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
يا ربعنا يااللي على الفطر الشيب=عز الله انه ضاع منكم وداعه
رحتوا على الطوعات مثل العياسيب=وجيتوا وخليتوا لقلبي بضاعه
خليتوا النادر بدار الاجانيب=وضاقت بي الافاق عقب اتساعه
تكدرن لي صافيات المشاريب=وبالعون شفت الذل عقب الشجاعه
يا ذيب انا بوصيك لا تاكل الذيب=كم ليلة عشاك عقب المجاعه
كم ليلة عشاك حرش العراقيب=وكم شيخ قوم كزته لك ذراعه
كفه بعدوانه شنيع المضاريب=ويسقي عدواه بالوغى سم ساعه
ويضحك ليا صكت عليه المغاليب=ويلكد على جمع العدو باندفاعه
وبيته لجيرانه يشيد على الطيب=وللضيف يبني في طويل الرفاعه
جرحي عطيب ولا بقى لي مقاضيب=وفخت حبل الوصل عقب انقطاعه
كني بعد فقده بحامي اللواهيب=وكني غريب الدار مالي جماعه
من عقب ذيب ، الخيل عرج مهاليب=ياهل الرمك ما عاد فيهن طماعه
قالو تطيب وقلت اشلون ابا طيب=وطلبت من عند الكريم الشفاعه
[/poet]

الشاعر محمد الدهيمي

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
يـاذيـب ياللي بالوفا تهرف اهراف=وعـلـيـك مـن مبدا الطويله كلوفه

فـيـما مضى تبدي حجا كل مشراف=والـلـي بـعـيدٍ عن شبوحك تشوفه

وفـي مامضى لاشبهرن قدم وخلاف=وحـالـت رقـاب القوم دون النكوفه

واسـتـذبـحوا ماعادبه هرج عرّاف=كـم واحـدٍ عـنـك يـحدنه ظروفه

ذخـر الرّفيق ومكرم الضيف لاضاف=يـقـفـي ومـن زادك تنادى كفوفه

والـيـوم مـشيك خطوتينٍ وميقاف=ومـتـعـب كـتوفك عانزاتك كتوفه

وتـنـام والـمـديـون مانام حوّاف=يـخـاف لاتـنـقص حقوق المروفه

يـامـل قـلبٍ شاف فالوقت ماعاف=مـسـراح اناساته ومضوى صدوفه

يـاعـم دنـيـاً مـاعـليها تحسّاف=غــدّارةٍ بــوّارةٍ ومــعـروفـه

اخـذتـهـا واخذتك مشتا ومصياف=وتـمـكـنـت يالله عـليك الخلوفه

تـخـطـفت روس النشامى تخطاف=والـحـي مـنـهـم ملحقته الحفوفه

ياعم اشوف ولاانشرح صدر من شاف=وعـلـيـك والله يـالـحقني حسوفه
[/poet]

غير معروف

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
يا عين ياللي حاربت للنوم=من يوم حل القطع بالوديان

ياكيف نرخص غاليه بالسوم=حدب الجرايد تشبع الجوعان

ياذيب ياللي في نبا المزموم=اسهرتني دعواك ياسرحان

ان كان تشكي الجوع دوك الحوم=تلقي العشا شيخ وبنت حصان

تلقا الجنايز بالفلاه ركوم=منا ومنهم جرد الذرعان

عاداتنا ذبح المجـــــّوخ دوم= والخيل صرعي في قفا ميدان

ربع قروم ولا يجون اللوم=صبيان يتلون الدخن دخان

حريبنا ما ذاق حلو النوم=حرم علينا نقل التفزان
[/poet]

الشاعر " خلف بن هذال العتيبي "

[poet font="Simplified Arabic,14,darkred,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
ياذيب لاتجذب علي الذيابه = حول وانا ببدي مع الرجم ياذيب
والذيب خاوى من عصور الصحابه = له خوة تصدق مع أهل المواجيب
بديت انا في راس رجم عوابه = وأبكي بدمع غرق الكم والجيب
عليك يامن ساقني في عذابه = سوق الركاب مكسرات المصاليب
ركايب " ن " ركّابهن صار ما به = رحمه ولا ياوي لشيب المحاديب
أثره جلاوي من ديار القرابه = مونس ومجفي عقب ماكان في طيب
ثم شب من بين القرابه حرابه = احرابة يجبر بها العظم ويعيب
اثر الهوى صعب على من مشابه = يركي على كبد المهاوي لواهيب
ياكم وكم وكم ليل سرابه = ياطا على الديبان ما يعلم الغيب
ياقف على المجمول ويطق بابه = ويقول هذي من كبار العواقيب
الحب بلوى من بغاه ابتلابه = حب العذارى يالنشاما مهو عيب
العيب من سود كتابه وجابه = يوم الرجال يبيضون المكاتيب
هذاك خايب خيب الله شبابه = مهوب كفو"ن" للبني الرعابيب
اليوم قلبي مايفيد الدواء به = ادواه عندي ما تسر الأطابيب
طبه طبيب الشوف جالي عذابه = كامل حسين أوصاف مابه عذاريب
هافي حشا باب الردى ماسعى به = ارمي بضني في هوى البال ويصيب
اديب مافي سنته مثل أدابه = يدق فاكبود العذارى مناسيب
حس الجنيه يغالطه في جوابه = هين علي وهو على غيري صعيب

[/poet]

لاااااااهنت يابو ثامر على اتحافنا بالحكم والامثال




سلمت يمينك


تقبل تحيااتي ،

بيض الله وجهك .. اشهد اني عينت هنا قصيده ادور لها ماغير حافظ منها بيتين واخيراً حصلتها كامله

مكرر : ماهيب غريبه عليك الطيب يابو الطيب كله

بيض الله وجهك وجعلك تبطي حي

اخوك
فهد الوايلي

[poet font="Simplified Arabic,14,purple,normal,normal" bkcolor="" bkimage="" border="solid,2,gray" type=0 line=200% align=center use=sp char="" num="0,black"]
لا هنت يا ذيب النداوي

اتحفتنا بالجزل من قصيد فطاحل الشعراء

دائما تسعي للارتقاء بالنداوي بما هو جزل

نثمن جهودك الرائعه


تقبل تقديري واحترامي

اختك
ألأمل
[/poet]