القصر يبغي صبيٍ مثل عبـدالله ( مرثيه )

بسم الله الرحمن الرحيم

السلام عليكم ورحمة الله وبركاته

اخواني وخواتي النداويه

كنت اسمع دايم امي تردد كم بيت من قصيده وكانت تجرها بصوتها

وحفظت اولها

وبصراحه ماجى في بالي ابحث عنها على الشبكه وبالصدفه خلال تصفحي احد المواقع

دخلت قسم الربابه واخذت اتسمع المقطوعات فيها

ووقعت على القصيده اللي كانت تردد امي منها كم بيت

بصراحه قصيده مؤثره وحبيت اعرضها هناا

وهي قصيده للشاعر ظافر بن حثلان الدوسري

يرثي فيها رفيقه عبدالله ابن سلطان ابن ذيب القباني اللي اشتهر بالكرم مثل ابوه

/

[poem=font="Arial,5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
البارحة ساهرٍ كنـي علـى ملّـه = والقلب تقبل هواجيسه وتقفي بـه
القصر يبغي صبيٍ مثل عبـدالله = لا نوّخ الضيف تال الليل يدري بـه
يبكي عليه الصحن والنجر والدّله = والضيف لا جاه جافينـه معازيبـه
وتبكيه عوصٍ من العيرات منتلّه = لا جات من صوب جوٍ عاويٍ ذيبـه
ويبكيه خطو خويٍ ما بعد ملّـه = لا جاه من ظيقةٍ يبغـى تعاجيبـه
وتبكيه بيضا من الخفرات محتلّه = تبي تـدور بديلـه ويـن بتجيبـه
ورّث فهودٍ تغذى بيـن خلـق الله = شبو وسمرٍ ولا أدري عن مشاهيبه
والله يحلل عجوزٍ بطنهـا شلّـه = غمرٍ يكثّر على الضيفـان ترحيبـه[/poem]


/

وهذي القصيده بصوت الشاعر والعازف فرحان الظفيري من موقع موفن ..

\

[rams]http://www.movn.net/Rbbabah/Far7an_79nY/AL_qa9r.rm[/rams]

/

والسموحه من الجميع كان حصل خطاء ولا تقصير

أم حمد

ام حمد

حملتي جميع معاني الابداع

بطرحك الرائع والمتميز

قصيده ومرثيه

لاها طابعها الخاص

تحياتي وتقديري

ام حمد


الله يعطيك العافيه



نقل طيب واختيار مميز



لك تقديري

ام حمد 0
منقيه جزله
شكرا على أختيارك الطيب 0