شاعر وَ قصيدة(ملف من إبداعات شعراء وشاعرات الندواي)

[كبرياء]

[frame="6 80"][align=center]بمناسبة اختتام ملف (شاعر وقصيدة الأول) يسعدني ان ....اتوجه بالشكر والتقدير والعرفان لإدارة منتدى النداوي وعلى راسها الرمز حمد السحيمي وكافة الاخوة المشرفين على ماقاموا به من تسهيلات كبيرة اسهمت في خروج الموضوع بهذه الصورة المشرفة ..
ولدي بعض الهمسات لأخوتي واخواتي النداويه احببت ان لاامضي قبل ان ابوح بها حبا وودا من اخت قلبها يتسع للجميع ..

1- انتهى الملف ولاتتصورون مدى حزني على ذلك فوالله اني لأتمنى إن يظل مفتوحا الى ماشاء الله فهناك اسماء رااائعة خذلني الوقت تارة والذاكرة تارة اخرى في ايرادها ..
2- اعلموا جميعا إن هذا جهد مقل فردي وانا انسانه ومعرضه للخطأ والنسيان فأعتذر لكم احبتي إن انتظرتوا اسماءكم وخذلتكم ...ووالله اني لم اعمل (قائمه) بأسماء مفضلة ولا (لائحة) بأسماء مبعده ..والله على مااقول شهيد ..
3- لاتحسبون إن عملية البحث واختيار اكثر من 60اسم بالأمر السهل (طلعت عيوني وانا ابحث) لكن كنت قد التزمت للأخوة بان اكون على قدر ثقتهم بي ودخلت التحدي مع نفسي اولا واخيرا
4- الذين ساعدوني وايدوا الفكرة وشجعوني لها لااملك إلا الدعاء لهم بظهر الغيب ...وعد مني بإذن الله والذين (خذلوني) اقدم لهم الشكر ايضا ..!
5- اثناء بحثي وتنقيبي ذهلت من روعة قصائد البعض حتى انني رغم كثرة تواجدي بالنداوي كأنني اقرأ لهم اول مره ...>>هناك روائع كانت ومازلت مختفيه ياجماعة الخير
6- لدي نية مستقبليه بفتح ملف جديد (جزء ثاني) سيتضمن اسماء مشرقه جديدة وسيكون بآلية جديدة واكثر حداثة بمباركة الإدارة طبعاً

اتمنى ان تكونوا قد استمتعتم بهذه الكوكبة النداوية الرائعة والى اللقاء مع ملف قادم وكوكبة اخرى بإذن الله

[/align][/frame]




" سبحانك اللهم وبحمدك ، أشهد أن لا إله إلا أنت أستغفرك وأتوب إليك "

[كبرياء]

خـــتـــامـــاً بمسك روحك الطاهرة ياسعيد بن واحش



فقيد النداوي ( سعيد بن واحش ) رحمة الله عليه





/ الحبال الواثقات /
[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]



يارب لا جاروا علي الناس جيتك مستجير=حافية رجلي وراسي حاسرة واطوي الفلات

اسيل دموعي على خدي كما السيل الغزير=وامرغ بوجهي تراب الارض وجذور النبات

وانوخ نياقي على بابك اسالك واستخير =لابسٍ فضلك عمامه والرجا بيدي عصاة

الله..الفرد..الصمد..الخالق..الحي..البصير =جل سبحانه .. له الاسما ..تعالى.. والصفات

الغني وانا الى فضله ومداته فقير =عبد وما للعبد الا سيده .. ستر وعبات

الحليم ولولا حلم الله علي .. لا وش بيصير =كان بذنوبي هلكت وبالكبار الموبقات

ان قلت وش جابك ياعبدي قلت اثامي كثير =مذنب من المذنبين وعاصي من ضمن العصاة

صارت اثامي على كتفي كما الجرم الكبير =اثقل من اثقل حمولٍ واكبر من اكبر حصاة

وامتلى بالي هجوسٍ وامتلى صدري زفير =واغرقت عيني دموعي والمشاعر في شتات

ليتني ماكنت ابن ادم يعذبني الضمير =واتعذب من ذنوبي في جحيم المحطمات

ليتني طير بكل وادي اوقع ثم اطير =رزقي في كفل الولي مالي ذنوب ولا هفات

ليتني ذرة تراب بين سفات المذير =كلما هب الرياح يسفها بين الخبات

ليتني ماكنت بالدنيا كبير ولا صغير =ولاطري لي ذكر ولا قيدت بين اسما الغوات

ياالاهي .. من رجا غيرك فلا رجوى بخير =ماتعلق غير بحبالٍ قصارٍ قاصرات

ومن تعلق في حبالك ما تعلق في قصير =وانا ياربي يديني في حبالك واثقات

ان ماغفرت لعبدك المذنب فالا بئس المصير=ماله الا النار شوبتها .. وتعذيب القسات

لولا اني اعلم بعطفك على العبد الغرير =وان ذنوبي رغم كثرتها .. الى عفوك فتات

كان ماساحت دموعي باخر الثلث الاخير =في ظلام الليل في الهجعة على حزة بيات

وكان مارجويت مع ذنبي من افضالك بخير =لكن اشهد بان حلمك واسع وعدلك غنات

انت ربي .. وانا عبدك .. وابن عبدك يا قدير =ياسميع لصوت من نادى بليالٍ مظلمات

ياحليم وياعليم وياعطوف ويا خبير =محصي اثام العباد الواجدات الكايدت

اسالك واغفر ذنوبي واجبر العظم الكسير =ويسر العسرات وقدي لي دروبٍ مايلات

واسألك موته بسن الرمح والسيف الطرير =بين ضرب الكافرين وبين ضبح العاديات

واسالك من فضلك الجنه مقري من مسير .. =ايام عمري يوم رجلي حافية واطوي الفلات
.
.[/poem]

[كبرياء]

نجم النداوي (حمد الدليهي )







/ سور النشر /

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

طايبه نفسي مـن مصاحبـة بعـض البشـر=والمواقـف تظهـر رجـال وتسقـط رجــال
كم ثمـان ٍ عـودت عقـب ماراحـت عشـر=هكذا .. قالوا .. هل العـرف ياباغـي مثـال
والخطا .. والصح .. بالوقت ماصاروا .. خشر=ليـن حلـت مرتبـه فـوق ماتطـري لبـال
قبـل مـده ماتسمـى علـى سلـم وُقـشـر=واختلاف الوضع سـاوى الأجابـه والسـؤال
والعلوم اللي خفت مـن ورى سـور النشـر=احتمـال تصيـر وتصيـر ماهيـب احتمـال
ومـن يخالـف طاعـة الله وشفاعـه دشـر=مايميّـز فـي حـرام المكاسـب والـحـلال
والحيـاة دروس والأخـره فيهـا .. حـشـر=والبخيت اللـي كتابـه سليـم مـن الشمـال[/poem]

[كبرياء]

نجمة النداوي (صدى الرحيل )








/ فرحة سنيني /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

غريـبـة كـيـف لــي مثـلـك بهـجـرانـة يجـازيـنـي=غريبـة كيـف تتركنـي حزينـة وأسـكـب العـبـرات
غريـبـة ياشـريـك الــروح وأوّل مــن قـتـل فيـنـي=شعوري وفرحي وسعدي..وزرع بضلوعي الآهات
عطيتـك أصـدق احساسـي.. وكـلْ ماتملـك ايدينـي=وكـل صعـبٍ تحملـتـه عـلـى شـانـك ولــو نكـبـات
سرقـت العمـر فـي لحظـة وماتـت فـرحـة سنيـنـي=وأهوّنهـا علـى نفسـي وأسـامـح وأدمــح الــزلات
رجيـتـك تـرسـم الفـرحـة مــن همـومـي تسلـيـنـي=رجيتـك تشفـي جـروح الـزمـن وتــداوي الـعـلات
وصـرت تقلـب أوجاعـي بـدل مـا انـتـه تواسيـنـي=وأذوق الويل في حبـك وأخـاوي الهـم والحسـرات
بعمـري مـا جرحتـك يــوم سـاكـن فــي شراييـنـي=ولمـا كـنـت أنـظـر لــك أحــس بداخـلـي خفـقـات
ولا أذكــر سقيـتـك مُــر وطيـفـك مسكـنـه عـيـنـي=وأذكر كنت أخبي الهم لي في القلـب عـاش وبـات
وانتـه لـي بديـت وخـنـت كــل مــا بيـنـك وبيـنـي=وتبينـي أنسـى احساسـي وأبعـد عنْـك بالخـطـوات
شـربـت الـمـر بألـوانـه ومـنــك الـصــد يكـويـنـي=وقلبي كم تجرح منـك وكـم مـن مـرة لأجلـك مـات
هقيتـك تنصـف ايامـي وتحـط ايديـك فــي ايديـنـي=أثـرك اللـي يخليـنـي أهــل مــن الأســى دمـعـات[/poem]

[كبرياء]

نجم النداوي ( محمد الحويله )









/ نــــوّه /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

على مطاليع نجم الجـدي وسهيـل=يطلع ويطلع معـه صوتـي يـدوه
يسري علي لاطعمت البن والهيـل=واسري معه مـن طمانـه لاعلـوه
مـع اول الليـل والا تالـي الليـل=عن كل شبهه ودون اضمن خلـوه
امـا حفظتـه ووصلتـه مواصيـل=والا اتفـوه معـا منهـو تـفـوه
ياهاجسي لاتقـوم تحـط وتشيـل=ان كان وجه الزمن عنـدك تشـوه
انا اللذي قيل واللـي مابعـد قيـل=لاجـا مفـوه ولا بـعـده مـفـوه
وان حللوك العوارف الـف تحليـل=ماينقدك كـود مـن ذوقـه متـوه
نجني محاصيل ونضيـع محاصيـل=ونقـول ياليـت وان كانـه ولـوه
هات الطواريق واطربنـا مواويـل=لين ايتواسى الكدر ويزيـن جـوه
راعي الوسيعات هو راعي المظاليل=اشـوف ضـوه ولاجنبـت ضـوه
هو حاوي الحسن من بغداد للنيـل=كم لي وانا اشيد في حسنه وانـوه
اسرجت فيه الاصايل مقـدم الخيـل=وامطرت قافي بعـد ماصـف نـوه
اغليـه جـدا واحبـه دون تعليـل=واتوه لا قـال كيـف الحـال قـوه
مملوح حالي مرتـب دون تفصيـل=الشمع خلفه ونـور الشمـع تـوه
جميـل خلقـه ولايحتـاج تجميـل=ويزيد حسنـه مـع زيـادة نمـوه
يالله عساها علـى قلبـي تساهيـل=لو مابـه اعيـال عـم ولا عنـوه
ان لقحت الحيل والا تذبـح الحيـل=وان ماحصل قرب والا صار خـوه
نزيل دنيـا يزيـل وفوقـه مزيـل=مايدري العمر وش كثـره وشـوه
نعيش ونمـوت والدنيـا محابيـل=والعبد مكتوب لـه حسنـه وسـوه
فرق الرجاجيل عن بعض الرجاجيل=اللـي يميـز رفيقـه مـن عـدوه
والرجل لو عاش جيل من ورى جيل=وش خانته لو يعيـش بـلا مـروه[/poem]

[كبرياء]

نجمة النداوي ( حنان آل فاضل )







/ مابه خلاف ... ؟ /

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

غايـب وفكـري عذبتـه الليـالـي=غايب رفيقي يا عسى مابـه خـلاف
وين أنت؟!ياكلـي ويـا راس مالـي=قلبي سلبته والرجا منك ل /انصـاف
الشوق مابين المحانـي شكـا لـي=وآنا لك الله ما طريتك بال /اجحـاف
مديت شوفـي بالنظـر ل/ شمالـي=وقفيت ..واللحظه من الضيق تنعاف
أصبحت من ضيقي أهوجس لحالـي=أهـل دمـع ٍكـل ماخفيـه ينشـاف
يرجع ينادي مـن خفوقـي تعالـي=وآنا أتعذر كل ما هـزّ ل /الاطـراف
اكتم شعوري وادفنـه فـي سؤالـي=بيني وبينه ..ارجـم البعـد بالقـاف
انظم قصيدي واكتبـه فـي حلالـي=رجل ٍ كريم وشيخ ودروبه انظـاف
يا جعل روحي يا بعـد كـل غالـي=تفداك يا نسل الأجاويد ل /اشـراف
حـر ٍ مقامـك دايـم الـدوم عالـي=حبك بقلبي ما توفيه ال / اوصـاف
في غيبتك طيفـك يسامـر خيالـي=أسهر معه وابدي من الشوق محراف
اطرْب بصوتـي مـا تهيّـا قبالـي=وكني أغني من على راس مشـراف
البعـد والفرقـا وقــلّ احتمـالـي=والشوق وغيابك غدوا ضدي أحلاف
وين أنت يا غايب ؟!تجاوب سؤالـي=طوّلت بغيابك عسى مابـه خـلاف؟![/poem]

[كبرياء]

نجم النداوي (سعيد مقبل الاكلبي )





/ ابو القاسم عليه الصلاة والسلام /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الله انه يلعنك يادولة الكفر البليده= ياعدوين السلام وياعدوين الرساله
كل يومٍ عندكم في حربنا خطه جديده= يازباله مايجي من وسطها غير الزباله
ياخنازير اليهود وياجواريه وعبيده= لعنبوكم يالحثاله لعنبوكم يالحثاله
مالقيتوا الا رسول اهل السلف واهل العقيده= ترسمونه بالصور وتعذربونه فالمقاله
كل يومٍ صورته تنشر على وجه الجريده= يالله انك تنتقم من فعلهم ياذا الجلاله
يادعاة الكفر ياروس الشياطن المريده= يادياجير الظلام ويامزامير الجهاله
ياتماثيلٍ عليها الغرب يفعل مايريده= اخسو اخسو لارحمتوا ياطواغيت الظلاله
ياوجيه الخير هذي حملة الخير المفيده= قاطعوهم فالبيوت وقاطعوهم فالبقاله
عذبوا عبد الدراهم بالعذاب اللي يكيده= كل واحد عن كلاب المحرقه يلزم رياله
خلّو الكافر من الحسره يقرّط فصبع ايده= لاخسر ماله ودمرتوا حياته شان فاله
لين يدرون ان ورى ذاك الرسول امه مجيده= يرخصون انفوسهم في حب ابوالقاسم وآله
والله ان الدنمارك الخايبه ماهي وحيده= خلفها تاقف طوابير الحماقه والنذاله
مايبون الدين يبقاله على الدنيا شريده= والله اللي حافظٍ الاسلام ومثبّت رجاله
الرجال اللي عزايمهم على الكافر شديده= لاتمرّد طمّنوا راسه تَحَت سيف العداله
بإبي انت وأٌمي انت يا أغلى فقيده= يارسولٍ كلّبوا الامه تضلل في ضلاله
والله ان قلوبنا يالمصطفى ماهي سعيده= يوم تسمع وترى الخنزير يفعل مابداله
حسبنا الله العظيم اللي صدوقٍ في وعيده= في نهارٍ فيه الانسان يتبرا من عياله
والله انه لايهينك ياحكومتنا الرشيده= يوم ضيقتي على الكافر ولوّيتي حباله
ماحدٍ ينكر من العالم مساعيك الحميده= كِوِد خبلٍ مايفَرّق بين يمينه من شماله
[/poem]

[كبرياء]

نجم النداوي (فازع الرشيدي )







/ عالم التطوير /

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

الاياهاجسي لعيـون خالـد صـدر التقريـر=ووضح مايلي واشرح عن اللي مالحـق وده
وقله لا يمـد ولا يشـد ولا ذكـر بالخيـر=لوانه حطله عـرش وتباهـا خايبـن سـده
نعرفه والرجال تميـز الحـرار والاالجيـر=مجرد ريش والا بالحبـاري ماحـدن هـده
زحازيح الرجال الاها الحاقه والصغير صغير=اليا عدت مواقيـف النشامـا ماحـدن عـده
لوانه بالرخا هلـل وكبـر وعتـز ماغيـر=كلامن مايسره لـو يـذب الضلـع ويعـده
تسماء في سلاطين العرب والا هله تزويـر=يدنق لا نشد عن ساس ابوه وعرقـه وجـده
يخالد لا تضايق في نهايت عالـم التطويـر=مبيعت الجلود الاهـا مكـان وعـزه وشـده
تساوت بالمكان وبالزمان وبالفـرس والبيـر=وكلن يارد الجمـه ويشـرب مامعـه عـده[/poem]

[كبرياء]

نجمة النداوي (معاني الشوق )






/ يــاطــيـــر /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

واتل قلبي تل دلـواً مـن البيـر=يوم عرض لي طير يطرب بفنّـه
ياطير (نغري) بالفلا دايم يطيـر=ذكرتنـي شـي مضالـي أكنّـه
ذكرتني باللي لهم عـز وتقديـر=اللي لهم بالطيب مذهـب وسنّـه
أذكر منازلهم بها حسن تصويـر=نجرا يدن الصوت هيـلا وبنّـه
وريح الخزامى يقعد الراس تفكير=في مربعا وبل السحايـب سقنّـه
قلبي تشطّر من عنا البعد تشطير=يكـن هـم فـي حشايـه يكنّـه
مايجبره دمع على خـدي نثيـر=مجروح منهو يبعد الجرح منّـه
ياطير جفني موقد بـه تساعيـر=والجرح ثاوي طير النـوم عنّـه
الله لايجـزاك يانغـري بخيـر=ذكرتنـي شـي مضالـي أكنّـه[/poem]

[كبرياء]

نجم النداوي (خليل بن هدلان )






/ بـرّاق المخيل /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

صار حلمي مثـل بـراق المخيـل=ما نثر وبله .. ونـوره مـا اختفـا
اتسلى كل صبـح .. وكـل ليـل=ما سلى بالي .. وجفنـي مـا غفـا
يا مناتـي .. لا تشديـن الرحيـل=المفـارق مـر .. ويبيـح الخـفـا
ظلليني رمشك الخـدر .. الظليـل=من شموس الهجر .. واريـاح الجفـا
وافتحي قلبك .. وقولي يـا خليـل=في محـل الجـود .. تبشـر بالوفـا
وعالجي جرحي .. ترى جرحي عليل=بعدك اسبابه .. وقربـك لـه شفـا
اشهد اني في وجه وصلـك دخيـل=كان هجرك يـا مناتـي مـا عفـا
واشهد اني منك يالطرف الكحيـل=ذاب قلبي .. لو مثل صـم الصفـا
وانت حلـم مثـل بـراق المخيـل=ما نثر وبله.. ونـوره مـا اختفـا[/poem]

[كبرياء]

نجم النداوي (هادي بن سعيد )







/ العشق الاول والأخير /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

ان كان ماغنيت طرقٍ من طواريق القصيد= طرقٍ ينسّيني هجوسٍ حاربت حلو الكرى
خطرٍ أهيم امن التوجّد واقضي الدنيا وحيد= واضيع من جرحٍ من جروح المحبة ما برى
يا اللي عليك الوجد لو أنّ التوجّد ما يفيد= إي والله أدري بس طيفك مَرّ و الطاري طرى
يا نبض قلبي فالحياة امن الوريد إلـيا الوريد= ويا نور عيني في دجى ليلٍ على الساري سرى
يا أوّل غلا وآخر غلا يكبر معَ الوقت ويزيد= جعلك بعَد ناسٍ محبتهم تباع وتشترى
اللحظة اللي فيك تجمعني تعدّ امن الرصيد= لو أن حزتها ما عاد أسمع ولا حتى أرى
متى على الله بس أشوف بيوت أهَلكم من جديد= والا معَ أهل العِدّ نلقاكم قطينٍ وقصرى
حتى ليا جيت المكان اللي على الطارش بعيد= أرتاح من عقب العنا والقا معازيب وذرى
يا بنت عَودٍ من هَل العادات والباس الشديد= قومٍ ليا رد البرا ما تكسر النظره ورى
أنا من اهل العزوة اللي عن سنَعها ما تحيد= يا ما تغنوا في مواقفنا من الناس شعَرا
وانتي تبين الصدق شيخة غِيد وكحيلة عقيد= الا حفيدة شيخ .. واعلنها من القلب اجهرا
العاذل اللي حط دوبه دوب هادي بن سعيد =قولو له ابن سعيد هادي عن علومك مادرى[/poem]

[كبرياء]

نجم النداوي ( د. حمد العصيمي )








/ حارة السـاقـي /

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
على الضفة.. الأخرى من الجدول المهجور=كبـرت بهـدوء وتحتـه امتـدت أعراقـي
هناك اسرق الظلما واطارد لصوص النـور=وترتاح يـا طيـري تحـت ظلـي الواقـي
اراقبك مـن اربـع سنيـن وثـلاث شهـور=وتبني على اهدابي وتشـرب مـن احداقـي
أنا فا التأمل عبقـري وانـت فيـك غـرور=اسرني غرورك وانت ما ترفـض اطلاقـي
تطيـر بزهـو الفـارس القائـد المنصـور=وترجـع بوجـه المتعـب الكـادح الشاقـي
بجنحانـك السنـدس ومنقـارك الفسـفـور=وحنجرتـك البيضـا وترنيـمـك الـراقـي
تركب من العيدان الاعوج علـى المكسـور=وتنقص مـن الكامـل وتكمـل بـه الباقـي
اشوفـك ترتـب عـش وتنسـق الديـكـور=وتحـرص علـى لامـاي وتـدور فراقـي
أنا شجرة الصفصاف يـا طائـر الشحـرور=من اغراك تسكن بين غصنـي واوراقـي؟!!
هي الرغبة انك في الاعالي تسـوي دووور؟=وترتاح فا العالي وانا اوقف على ساقـي؟!!
او الرغبه انك تقهـر مـن الطيـور طيـور=من غروب شمسي فا السما لا ول اشراقي؟!!
قضت مسرحية خمرة العشق يـا عصفـور=ومات البطل مخمور فـي داخـل أعماقـي
وانا الساقي اللـي قـدم الكـأس للمخمـور=مزجته من التقـوى بشـيء ٍ مـن اخلاقـي
فهل يا طيور العشق فـي حانـة الجمهـور=تبيعون خمر العشق فـي حـارة الساقـي؟!!
على الجدول المهجور يا طائـر الشحـرور=خذ الريح وانثرهـا وانـا بجمـع اوراقـي
ولا ابقـى رغيفـة خبـز وعيونـك التنـور=لتطعم بي الجائـع ويحلـو لـك احراقـي!![/poem]

[كبرياء]

نجم النداوي ( مناور بن هاجد )






/ ذعاذيع الارياح /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يـا محـلا والله ذعاذيـع الاريــاح=لاهـب نسنـاس القصيـد الشحايـح
سويت لي من غالـي الكيـف لافـاح=يشفـي غليلـي لـو كلـي جـرايـح
وأخذت لي مع هاجس الفكـر مشـواح=وجبت القلم والبوك . . . والليل زايـح
ول ياحمـامٍ فـوق الأغصـان نـواح=نوح الطرب وأنا من الحزن أنايـح.؟!
ذكرتني يـوم أصفـق الـراح بالـراح=مالي جدى ودموع عينـي سبايـح.؟!
حاولـت بالكتمـان والشـوق فضّـاح=ماينفع الكتمان . . . قولـي صحايـح
على الـذي نظراتـه إسهـوم ذبّـاح=هو غايتـي مـن بّـد كـل الملايـح
لكن على الله عقـب الأتـراح الأفـراح=وكـلٍ علـى ماقيـل رزقـه تـوايـح
قد قال: "مرشد" ياعرب في زمـن راح=(الجهل هو تلقيـح غـرس القبايـح)
ياحسبـي الله ياذعـاذيـع الأريــاح=هبيتي في ذكره.؟ . . . عسى الله يبايح[/poem]

[كبرياء]

نجمة النداوي ( نوض سدير )








/ مــاتــريــا /

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

جنون شعري و فلسفتي و ارآئي مع أفكـاري=تحاول في زمان اليأس يفهـم والزمـن عيـا
بقت أحلام مشلوله وخانـت فينـي أقـداري=بديت اعتب على الصاحب وانادي وافرك ايديا
فجعني وضع هالعالم احد بايع واحـد شـاري=يبيع الصاحب الصاحب ويغدر فيـه مااتريـا
مدام ان الوضع مؤسف بكمل وحدي مشواري=مادام ان الوفاء جثة خبـر واحـلام منسيـا
أبهجر كل شي ماضي (زماني، ربعي ،وداري)=نبذتـك يازمـن ظالـم لئيـم وزادنـي كيـا
عرفت الحلم يبقى حلم ماينفع بـه اصـراري=وطويت بحسره احلام ٍ جثت في خافقي طيـا
وحيده في زمن ظالم وحيده في زمن عـاري=أكابد حسرة أيامـي واصغـر حلـم مااتهيـا
تعذرت وزمان الـذل عيـا يقبـل اعـذاري=وتقبلـت الطعـون المؤلمـة منـا ومنـيـا[/poem]

[كبرياء]

نجم النداوي ( فهد بن ماجد )






/ عذاب الغــلا /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

صحيح ان محبتنا بشوق وفرح وأحزان=ونا أشوف شوقي في محبتة مشقينـي
أشوف الفرح في شوفته داعج الأعيان=وأشوف الحزن في غيبته كامل الزيني
عذاب الغلا ينثر سمومه على لابـدان=يبيّـن عنـاااااه وسنتـه بالمحبينـي
إلا جيت أبدله عن هوى المترف الفتان=تجيبه احلوم ٍ من حلا النـوم تقزينـي
يقولون لي تنسى ونا اقول ياسبحـإن=الـهٍ زرع حبـة بوسـط الشرايـنـي
ونا مؤمن ٍ باللي خلق نعمة النسيـإن=لكن الغلا ميسـم وميسمـه كاوينـي
لاياعود موزٍ ناعم ٍ فـي ذرى بستـإن=محله كنيـن ومـن شمالـه مذرينـي
تمايل بعوده كل ما مالـت الاغصـإن=زهى حسنه الفتان خضـر البساتينـي
صدوق المحبه من عرفته حشى ماخان=لسانه وقلبه بالوفـاء لـي طريينـي
الا يابعد من ينقض العهـد ياسلطـإن=إلى طالـت المـدة تبيـن بوجهينـي
اعرف الصديق الصادق الوافي المليان=حكيـم المعرفـه لازهمتـه يشالينـي
وعرف الصديق الباير البايع الخـوان=مع ضحكتي يضحك وقلبـه معادينـي
وانا ماعلي أخلاف غير البلـد بلـدان=احث الركاب وشوف عينـي يقدينـي[/poem]