باعوا أبوهم ( جديد وحصري )

الزميل الشاعر عبدالحكيم اليوسف

شاعر الحكمة والقصائد الاجتماعية خصنا بهذا النص الحصري ..

بـاعـوا أبــوهـــــم

[poem=font="Simplified Arabic,5,#8D2B0B,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يـمـر بـيـن الـنـاس يـســألـهــم ريــــال = شـــايب وحـافـي والرقع في ثـيـابـــــه

صوت العصى لا دقت الأرض مــوّال = مــــوّال حــــزنٍ رددوه الــغـــلابـــــه

الوجــه شــاحـب والـتجاعـيـد تـخـتــال = والوقــت والأيـام صــاروا ذيـــابــــــه

بـنـك الــزمـن أهـداه مـلـيـون غـربــال = واصـبـح رصـيـده مـمـتـلـي بالـكآبــــه

مـاتـت طـموحـاتـه ولا عـنـده آمــــــال = يـبكـي على وقـتٍ مضى في شـبـابــــه

صـبّـت لـه الـدنـيـا ثـمانـيـن فـنــجــــال = تـجـرع الأحــزان عـلـقــم شــــرابــــه

قربت منْـه وقـلــت له كيف الأحـوال ؟ = ونـظـر بـعــيـنٍ كـلـبــوهــا غــــرابــــه

عـمـي عـلامـك ضـايق الصدر والبال؟ = أكـيــد بــك ســـرٍ ولا أحـــدٍ درابــــــــه

بـدى يـفضفـض قال لي خمـسة عـيـال = ســطـوا عـلى مالـي وصاروا عـصـابـه

قالـوا ســفــيــهٍ صابـه جـنــون وهـبـال = وصــك الـمحاكـم زوّروا فـي كـتـابـــــه

نسوا كـفـاحي لأجـلـهـم شـلـت الأحمال = والـيــوم كــلٍ لـلــوفــى صــك بــابـــــه

بـاعـوا أبـوهـم للأسـف لأجل الأمــوال = بــاكر في يوم الـحـشـر ويش الإجــابــه

واللـــه حسافـه صرتوا عـيـالي أنـــذال = يا كـيـف أبـوكـم مـا حـسـبـتوا حـسـابـه؟

طـال الـحـكي ويّـاه يا لـيـت مـا طــــال = يـبـكـي قـهـر مـسـكـيـن من حـر مابـــه

حـبـيـت راسـه تـمـتـم بـصـوتـه وقــال = الـمــوت أبـطـى ويــن حـضـرة جـنـابـه![/poem]

عبدالحكيم اليوسف

صح لسان الشاعر عبدالحكيم

قصيده مؤثره بمعنى الكلمه .. الله ينفع بها

تحيتي للناقل على هذا النقل الثمين



مشهوووور....

صح لسان الشاعر عبدالحكيم

قصيده مؤثره بمعنى الكلمه .. الله ينفع بها





لاهنتو على النقل الطيب

حي البيوت اللي جزيلات وثقال

تشرح توالي الوقت وقت الغرابه

لاهان من أتى بهذه الدره وسلم قائلها والله يخارجنا من آخر الوقت

تقبلوا تحيات أخوكم الصغير غريب

صح لسان الشاعر عبدالحكيم

قصيده مؤثره

تحياااتى