[[ عمالقة شعراء الجزيرة العربيه ]]

بسم الله الرحمن الرحيم

السلام عليكم ورحمة الله وبركاته

نأمل من الأخوة الكرام التفاعل في هذا الموضوع لإضافة أربعة أبيات لعمالقة شعراء الجزيرة العربيه

ليكن بصمة خاصه بمنتدانا وتكريما وتخليدا لهؤلاء العمالقة سواء الأحياء منهم أو الأموات رحمهم الله

وسأبدأ هنا بأحدهم ,,,

بركات الشريف رحمه الله :
[poem=font="Simplified Arabic,6,#FF4500,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
من نم لك نم بـك ولا فيه تشكيك=وأيلاه قد أزرا رفيقــك وأزراك
عندك حكا فينا وعندي حكى فيك=وأصبحت كارهنا وحنا كرهناك
ما اخطاك ما صابك ولو كان راميك=وإلي يصيبك لو تتقيت ماأخطاك
مير استمع منى عسى الله يهديك=النصح يـا مالك لك الله لمولاك[/poem]

بديوي الوقداني رحمه الله :

[poem=font="Simplified Arabic,6,#FF5500,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أول استبـداي باسمـك ياحـنـون=ياكريـم مـا تخالـفـه الظـنـون
امرك المحفوظ فـي كـاف ونـون=وانت لي فـي كـل مغـواة دليـل
هيج اشواقي حمـام فـي الغصـون=بات ساجع فـي بديعـات اللحـون
بيـن تغريـد وترجـيـع يـهـون=مادرى اني في الهوى مثلـه عليـل
ياحمـام الـدوح هيجـت الـغـرام=ما سبب نوحك ومالـك مـن مـرام
اعطني عهـدك وخـذ منـي ذمـام=بيعني شوقك وخـذ شوقـي بديـل [/poem]

بديوي الوقداني رحمه الله :
[poem=font="Simplified Arabic,6,#FF3600,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أيامنــا والليالــي كــم نعاتبهـا=شبنـا وشابت وعفنـا بعض الأحوالـي

تاعد مواعيــد والجاهـل مكذبهـا=واللي عرف حدهـا من همهـا سالـي

إن أقبلـت يوم ما تصفـى مشاربهـا=تقفـي وتقبـل وما دامـت على حالي

في كــل يوم تورينـا عجايبهـا=واليوم الأول تراه احسـن من التالـي

أيـام فـي غلبهـا وايـام نغلبهـا=وايام فيهـا ســوا والدهـر ميالـي

جربت الأيام مثلـي من يجربهـا=تجريب عاقل وذاق المــر والحالـي[/poem]

[align=center]ابيات للشاعر العلم الكبير رشيد الزلامي مشاركه في موضوعك يابومبارك [/align]


[poem=font="Simplified Arabic,6,#FF3600,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

ساير زمانك كان لك قلب وضلـوع=وارج الفـرج بايامـك المقبلاتـي
وان كان ما طاعتك خلك لها طـوع=ما انته بضاربهـا برمـح الزناتـي
اما سوالـك مـا جوابـه بممنـوع=ولو للحيـاه اسرارهـا الخافياتـي
اجاوبك لو ما معي منـك منفـوع=تحب تعرف كيـف قصـة حياتـي
حياة ذيباً عايـش الفقـر والجـوع=ليلـه يبـات وليلـة مـا يبـاتـي
اعيش عيشة ذيب والراس مرفـوع=وان قلّ مالي عـزّ نفسـي غناتـي






[/poem]

[align=center]ابيات للشاعر العلم الكبيرحامد بن مايقه [/align]


[poem=font="Simplified Arabic,6,#FF3600,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]



راحت الدنيـا و شطّتهـا كلافـه=ما بهـا متريّـحٍ كـون البهايـم
تدّب اللي ما يطـاوع للعسافـه=لو عصا قامت تجـرّه بالصرايـم
و المغفّل لو تركهـا مـا تعافـه=تمنعه من غفلته لو كـان نايـم
لو تجنّـب دربهـا فيهـا لقافـه=ما تخلّي بالخطا قاعـد و قايـم
من تفكّر في خطا الايـام شافـه=و الليالي هي مكسّـرة العزايـم
لو يطول العمر تاليـه انقصافـه=ما يدومون البشر و الرب دايـم





[/poem]

أخوي الكريم

أثريت ونورت متصفحي

وأضفت دررا لعمالقة الشعر

إضافه موفقه وفقك الله ورعاك

الشيخ والفارس تركي بن حميد رحمه الله


ياما حلا ياعبيد في وقـت الاسفـار

جذب الفراش وشبّ ضـوّ المنـارة

مع دلة(ن) تجذا على واهـج النـار

ونجر إلـى حـرّك تزايـد عبـاره

في ربعة(ن) ماهيب تحجب عن الجار

لا منّ خطو اللاش مـا شـبّ نـاره

النجـر دقّ وجاوبـه كـل مــرّار

مالفّـه الملفـوف مـن دون جـاره

وأخير منها ركعتيـن(ن) بالاسحـار

لاطاب نـوم اللـي حياتـه خسـاره

تلقاه في يوم(ن) يضيعن(ن) الافكار

يوم(ن) على المخلوق ما اطول نهاره

وقم في قصير البيت حشمه ومقـدار

لو جار فادمح له ولو بـه خسـاره

ترى النبي وصّى على الجار لو جار

خذ الحذر ياعبيـد عقـب النـذاره

رافق قويّ الديـن حفّـاظ الاسـرار

ينفعك في يوم(ن) يجي بـه كـراره

ترى الهوى والغيّ هن شرّ الاشرار

ومن داس عار الناس داسوا لعـاره

جنّـب رديّ الكـار مافيـه تعـبـار

مافيه مـن فعـل المناعيـر شـاره

جنّب عنه خلّـه لقصّـاف الاعمـار

واحفـظ وصاتـي يارفيـع المنـاره

واسلم ودم بالخير يا طيـر غيمـار

وصلّوا على المختار ما غار غـاره

بيض الله وجهك ياسفر والله لايهينك

هاذي قصيده للعلم الراحل حمد هادي المسردي




يا لج قلبـي لـج سـرب مـن الميـراج
ليا أصدر لأوامر قايـده واعلـن الغـاره
مع الفجر الأول عاد ضوح السفر ما أنباج
تحـرك وتـعـداده ثلاثـيـن طـيـاره
ويا والله اللي غلق الصبـر مـا يحتـاج
ولو كان عينـي بـأول الوقـت صبـاره
هواجيس قلبـي بالدقيقـه تجيـه افـواج
وعينـي شقاويـه والافكـار محـتـاره
تخالف همومي مثل ما تختلـف الأمـواج
على شاطي مـا بيـن فرضـه وعبـاره
توارد وترد القلب مـن كـل فـج وفـاج
وتقبل كما أمواج مـع ريـح صرصـاره
ليا أشتد صلف النود والبحر هاج ومـاج
تسوقه على الشاطي عواصيـف جبـاره
غريب ومشتاق وشفـق علـى المنهـاج
وسـود الليالـي تخلـف الظـن غـداره
وجودي على شوف المحبيـن يـا فـراج
وجود الكسير اللـي دنـو منـه بجبـاره

رايد

بيض الله وجهك ع الإضافه الموفقه

لاهنت ,,,

هذه أحدا الشاعرات

قصيدة رثاء في والدها

أبتي لقد نزل القضاء بليلةٍ
وذهبت في قبر وفي أكفانِ

وتركت قلبي هائمُ في حسرته
وأصبحت لا أبٌ ولا أخوانِ

ياصاحب العقل الحكيم يزينه
خلقٌ الأديب الواعي الفهمانِ

ولسانه في عفّــــــــة عن كلمــا
يأبــاه ذو تقــــوى وذو إيمانٍ

مازلت أذكر ضحكه ودعابه
للناس في أدب وفي إحسانِ

أرثيه ثم أرثيه ثم أقول له
وفّقت حين تركت دار هوانِ

إني أعزّي النفس فيه وقد
عزيت فيه سعادتي وحنانِ

يا أخوتي إني هنا اهدي لكم
أهدي نصيحة مخلصٍ شفقانِ

هلاّ اعتبرنا في المنايا ودأبها
فقد الحبيب وفرقة الخلانِ

هذه الحياة متاعبٌ ومصاعبٌ
فالحمد قبل وبعد للديانِ

يااارب فارحم والدي وأغفر له
أنت الكريم وواسع الغفرانِ

يااارب فأرحمه ووسع قبره
وأ جعل له نوراً بكل مكانِ

وامدد له في لحده أفق المدى
وأفتح له باب إلى الرضوانِ

روح وريحانُ وطيب ثمارها
والحور له مدعوجة الأعيانِ

في جنة الفردوس أجمعني به
وأنت الرحيم القادر الرحمنِ

واليوم لن ابكيك بل أبكي على
من مات في فسقٍ وفي طغيانِ

ثم الصلاة على النبي الهاشمي
ماغرد القمري على الأغصانِ

الشيخ والفارس شالح بن هدلان رحمه الله ,





إن كان تنشد يالهويدي عن الطيـر
الطيـر والله يالهويـدي غـدا لـي


طيري عذاب معسكرات المساميـر
إن حـل عنـد قطيهـن الجفـالـي


إن جا نهار(ن) فيه شر(ن) بلا خير
وغدا لهن عنـد الطريـح إجتوالـي


إن دبرن خيل(ن) وخيل(ن) مناحير
وغدن مثـل مخزمـات الجمالـي


على الرمك صيده عيـال مناعيـر
وشره على نشر الحريـب الموالـي


يضحك ليا صكت عليه الطوابيـر
طير السعد قلبه من الخوف خالـي


خيالنـا وإن عرجـدن المظاهيـر
وزيزوم عيرات(ن) طواها الحيالي


غيث(ن) لنا وإن جت ليالي المعاسير
وبالشح ريف(ن) للضعوف الهزالي


يسقي ثراه مـن اللواقـح مزابيـر
تمطر على قبر(ن) سكن فيه غالـي

الشيخ والفارس شالح بن هدلان
يا ذيب أنا يابوك حالي تردّى
............................................. وأنا عليك من المواجيب يا ذيب

تكسب لي إللي لاقِحٍ عِقب عدّا
............................................. طويله النسنوس حرشا عراقيب

تجر ذيلٍ مثل حبل المعـــدا
............................................. وتبري لحيران ٍ صغار ٍ حباحيب

وأشري لك إللي ركضها ما تقدا
.............................................ماحدٍ لقى فيها عيوب وعذاريب

قبا على خيل المعادي تحــدى
............................................. مثل الفهد توثب عليهم تواثــــيب

أنا أشهد أنك باللوازم تِســدا
............................................. لو حال من دونه عيال ٍ معاطيب

ليث ٍ على درب المراجل مقـدّى
............................................. ما فيك يا ذيب السبايا عذاريب

الشيخ والفارس شالح بن هدلان

يا ربعنا يااللي على الفطر الشيب
.............................................عز الله انه ضاع منكم وداعه

رحتوا على الطوعات مثل العياسيب
............................................. وجيتوا وخليتوا لقلبي بضاعه

خليتوا النادر بدار الاجانيب
............................................ وضاقت بي الافاق عقب اتساعه

تكدرن لي صافيات المشاريب
.............................................وبالع ون شفت الذل عقب الشجاعه

يا ذيب انا بوصيك لا تاكل الذيب
............................................. كــم لـيلة عـشاك عـقب المجاعه

كم ليلة عشاك حرش العراقيب
............................................. وكــم شيخ قوم كــــزته لك ذراعه

كفه بعدوانه شنيع المضاريب
............................................. ويسقي عدواه بالوغى سم ساعه

ويضحك ليا صكت عليه المغاليب
............................................. ويلكد على جــمــع العدو باندفاعه

وبيته لجيرانه يشيد على الطيب
............................................. وللضيف يبني في طويل الرفاعه

جرحي عطيب ولا بقى لي مقاضيب
............................................. وفخت حبل الوصل عقب انقطاعه

كني بعد فقده بحامي اللواهيب
............................................. وكني غريب الدار مالي جماعه

من عقب ذيب ، الخيل عرج مهاليب
............................................. ياهل الرمك ما عاد فيهن طماعه

قالو تطيب وقلت اشلون ابا طيب
............................................. وطلبت من عند الكريم الشفاعه

الشيخ والفارس شالح بن هدلان
ثم أردفها بقصيدة على نفس البحر والقافيه وقال :


ذيبٍ عوى وأنا على صوته أجيب
............................................. ومن ونتي جضت ضواري سباعه

عز الله إني جاهل ٍ ما أعلم الغيب
............................................. والغيب يعلم به حفيظ الوداعه

يالله يا رزّاق عِكف المخاليب
............................................. يا محصي خلقه ببحره وقاعه

تفرج لمن صابه جروح ٍ معاطيب
............................................. وقلبه من اللوعات غادٍ ولاعه

إن ضاق صدري لذت فوق المصاليب
............................................. مانيب من يشمت فعايل ذراعه

الشيخ والفارس راكان بن حثلين رحمه الله

حمزة مشينا مـن ديـار المحبيـن ** الله يرجعنـا عليـهـم سلـومـي



مشوا بنا العسكر لـدار السلاطين ** يـنفي مركب جـزواه تـرك ورومـي



عشرين ليل يمـة الغـرب مقفيـن ** في مركب جـزواه تـرك ورومـي



والنوم يامشكاي مالاج فـي العيـن ** والقلـب ياحمـزة تزايـد همومـي



من الخداعـة واحتيـال الملاعيـن ** هيهات لو انـي عرفـت العلومـي



هيا اركبو من عندنـا فـوق ثنتيـن ** وخلوا نجايبكـم مـع الـدو تومـي



لازوعن بالوصـف مثـل القطاتيـن ** تبغى الشراب ولايعنهـا السمومـي



اليا اصبحن كنهن جريـد البساتيـن ** نحال مـن كثـر الحفـا وارثومـي



تلفي على ربع عساهـم عزيزيـن ** اهل الشجاعه والكـرم والعزومـي



ربعي ضنا مرزوق بالعسر والليـن ** لطامـةٍ للـي عليـهـم يـزومـي



يــام لا رد الـبـرا للمعـاديـن ** حريبهـم مـن همهـم ماينـومـي



يوم الخيانة ليت هـم لـي قريبيـن ** من فوق زلبـات تبـوج الحزومـي



وليا تعلوا فـوق مثـل الشياهيـن ** مركاظهم يشبـع وحـوش تحومـي



نـوب سلاطيـن ونـوب شياطيـن ** وكم شيخ قـومٍ توهـم مايقومـي



يالله ياقابـل ســوال المصلـيـن * * يا اللي له التقدير فـي كـل يومـي



انك تثبتنـا علـى الحـق والديـن ** وانـك تـروف بحالنـا يارحومـي



وعسى مقابيل الليالـي لنـا زيـن ** مـن عقـب مانوسـن العلـومـي



وصلواعلى اللي وضح الزين والشين ** وشيد منار الدين واعلى الرسومـي