صدر المجالس للشيوخ

بيض اللحا جرتو عليها مالقـت منكـم عضيـد
والله يعقّـب عالـمٍ مــا تحـتـرم شيبانـهـا

صح لسانك يا ظافر وهذا الواقع مؤسف وملحوظ

لا هنت

ارررررررررحب يابو عبدالله

صح والله لسانك وعلى شانك على القصيد الجزل اللي يطرب من جد

قصيده وافيه ونصيحه رائعه وفي محلها فعلا هذا الشي ملاحظ ولكن ما يجيك الا من رجال ناقص ولا عنده ثقه في نفسه


اشكرك جزيل الشكر على الابداع ...
مع العلم اني مبطي من المنتدى ولكنكم والله في القلب ..

تقبل تحياتي وتقديري

معيض بن صميع

صح بدنك ولاهنت ملايين

بيض الله وجهك بيض الله وجهك

ولا يجيب الوافي الا الوافي

موضوع موجود في مجالسنااا ومجتمعاتنا عدم احترام الكبير سواء في سنه او في قدره

المهم صح لساااااااااااااااااااااانك

سالم اليامي

تبقا والله يا وجه محلف

وصح بدنك

ونسأل الله العلي القدير أن تنفع هذه القصيدة الشباب الذين ذكرتهم

لاهنت والله

السلام عليكم ورحمة الله وبركاته


الشعر رسالة وقليلٌ هم أولئك الذين يحملون همّ تلك الرسالة ويؤدونها ..



هنا أجد كغيري قضيّة ..



وهنا أجد تناولاً ولكن مميّزاً لهذه القضية ..



هنا أجد الشعر وقد تجلّت فيه كل معاني الجمال الشعري والتناول الموضوعي لقضيّة هامة كمايجب ..




شاعرنا الكبير ..




بيّض الله وجهك وجزاك الله كل خير وكثــّـر الله من أمثالك وأسأل الله العلي القدير أن يمتــّـعك بالصحة

والعافية وأن يجعل التوفيق حليفك والنجاح والسداد محصلّة جهودك ولك منّي كل الشكر والإحترام والتقدير ..











[poem=font="Tahoma,5,#3C0B06,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]


بعض المجالس وضعها يودع على كبدي وقيـد=وضـعٍ يخالـف للمجالـس راسهـا بكرعانهـا
شيبان وشيوخ و وجيه لطارف المجلـس تحيـد=وفي مقدمه صفّت حثـالات البشـر ورعانهـا
صدر المجالس للشيوخ اللي تخلّص كـل قيـد=روس الجموع اللي على الدنيـا رفيـعٍ شانهـا
والاّ لعـرّافٍ تفـك الهـوش بالـراي السديـد=وتشـرّع حقـوق القبايـل كلـمـةٍ بلسانـهـا
والاّ لقـوم الحـرب شيّـال البيـارق والعقيـد=حـوض المنايـا لاشتبـك فـي هيّـةٍ دخانهـا
والاّ لشيبـانٍ حبـاهـا الله بالعـمـر المـديـد=شابـت لحاهـا واقبلـت متعنّـزه عصيانـهـا[/poem]








صح لسانك شاعرنا الرائع ..



ومجرّد تسجيل إعجاب بهذه الفاتنة والهادفة ..



تقديري،،

خوي المطاليق

لاغرابه ,,

ولا استغراب

شاعر تكتب للتميز

وانت كذلك

صح السانك ودام حضورك البهي

زايد الروقي

ارحب والله يا ولد روق

وصح بدنك يالغالي

عز الله انك شاعر
وانا من اللي بيقولون عيد عيد
موضوع مميز جدا جدا
وفعلا الشعر في وقته ومكانه
ولاهيب غريبة عليك
فقد اخترت اسمك (خوي المطاليق)
صح لسانك
وسلمت يمناك ولاعدمناك

يا حي ذا العين منك حيااااااااه يا خوي المطاليق




صح الله لساانك


وانت جبت الواقع للأسف






احترامي لك

صح الله لسانك


قصيدة رائعه وتتنفس الشعر الأصيل


تحيتي

خوي المطاليق اسم مميز في الساحه الشعريه

قصيده رائعه ومن شاعر مميزه

صح لسانك يامبدع

بعض المجالس وضعها يودع على كبدي وقيـد
وضـعٍ يخالـف للمجالـس راسهـا بكرعانهـا
شيبان وشيوخ و وجيه لطارف المجلـس تحيـد
وفي مقدمه صفّت حثـالات البشـر ورعانهـا
صدر المجالس للشيوخ اللي تخلّص كـل قيـد
روس الجموع اللي على الدنيـا رفيـعٍ شانهـا



الله المستعان

صح لسانك يابو عبدالله

قصيده في محلها من الاعراب

لاهنت ولاهان حضورك والسمينه مايجيبها الا راعيها

وتقبل تحيات بحر

يا مرحبا ملايين الملايين يا شالح

هذي والله الساعة المباركة

مبطين منك يا شالح ولو ان القصور منا لكن مثلك يعذر

لاهنت

ابو عبدالله


بيض الله وجهك


قصيده لانستغربها من الرجال شرواك


فعلاً كلامك في الصميم