مسْرح الجـــــرْح

[align=center]بسم الله ويالله عليـــك اتكالـي
اوّل كــــــلام ادونــــه فالتويتــــر
ماهمنــــي لو الحسـود اتكالي
مسلم ولااخضع للقلق والتويتر[/align]

[align=center]لاحقيني بالنظـــر يانظـرة الطـــرف اللعوبـــه
عيدي النظرة على ماقالــــوا النظرة سلامـا
مزنةٍ ذعذع بها الغربــــي وجابتهــا هبوبـــــه
حولها شوقي يحوم ولجلها شوفي تسامــا
اقبلت مثل الربيــــع انوار وازهــــار وعذوبـــة
عطرها واحساسها وانفاسها ورد وخزامــى
كنهـــا بستـــان وردٍ ماحــدن يعرف دروبــــه
غير قطرات المطـــر لاحوّلت فوقـه تهامــــى
اشهداني جزت من درب الغرام وقلت توبـه
لين شفت اللي جبينه ناهبٍ بدر التمامـــــا
ادعجٍ كن العطر يصنع من انفاســه لثوبــــه
يستبيح قلوب خلانه ولا يخشى الملامــــا
ان تبسّم ماتشوف الاّ الشفق لحظةغروبه
وان تكلّم ودّي اغرق في ينابيـــع الكلامــــا
النسيم اليا تعـــداه استدار وعـــاد صوبــــه
يحضنه باحْساس ويضمّه بلهفة واهتمامــا
الله يبيحــه على تعذيبـــي ويغفـــر ذنوبــــه
كثر ماتصدر عن حياضــه معاليقــي حيامـــا
ان تغلّى تنخلق في خاطري مليون حوبـه
وان تخلّى راحت ضلوعي من الفرقاحطاما[/align]

[align=center]كلــــك نظـــر يامغـــرقِ قلبــــي اغـــراق
في بحــــر من شعـــر وفصاحة وتعبيــــر

ويــن انت ساريبي على درب الاشـواق
وانا تعبــــت مـــن السهـــر والمشاويــــر

تقطف وتمــلا من ثمـــر صدري اطبـــاق
يامهــدر اشواقـــي بــدون اي ّ تبريـــــــر

خل الغلا يمسي علـــى صـــدر الاوراق
وانتــه وانا والحب نصبــح على خيــــــر

صحيــــح لك فالقلـــب طلّـــة ومشراق
شمسٍ تبدد ظلمـــــت الصــــدر وتنيـر

اخيــــل حرفــــك كنــــي اخيــــل بـراق
مـــع كل نوضـــة بارق افــــز واطيـــــــر

لو طالت الرحلةحشى ماثْني الساق
ينصـــــاك شوقـــــي والنوايـــا مغاتيــر

لكنّي اخشى من عبث جرح الاعماق
نهـــــار تغزينــــي جيوشــــه مغاويـــــر[/align]

[align=center]اقفـــى وخلـــى خافقــــي فــي مشبــــــه

نار الغيــــــــاب وجمــــر الاشــواق تكويــه



سألـــت عنـــه الشمس قالـــــت مااحبه!!

والبــــــــدر صـــد وقال مااحــــب طاريــه!!

...

قلت العفــــو ماكــو زعــــل دون سبـــــه؟

صويحبـــي وش ذنبـــه اللي مسويــــه؟



قعـــدت احلّــــف كــــل منهــــــم بربـــــه

قالـــــوا قهرنــــا من حـــــلاه وتغليــــــه!![/align]

[poem=font="Simplified Arabic,5,#1627E8,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الـــوقـــت يــجــمــع ويـــفْــــرق والــســوايـــر تــســيـــر=والــــحــــبّــــة الــــعــــايـــــرة مــــــاهـــــــي لــمــاعـــونـــهـــا
وانـــا عـلــى سـجّــة الـهـاجــوس مــالــي خـشـيــر=اكـــــتــــــب بــــيــــوتــــي واقــــنّــــدهــــا بــمــضــمــونــهــا
يـاطـيــر وش قـيـمــة الـجـنـحـان لـــــو مـاتـطـيــر=الــيـــا الــديـــار امــحــلــت والـــيـــا انــكــفــا لــونــهــا
لاتـنـتـظـر تــزهــر الــواحــة ويـصـحــى ضـمـيــر=الــغــيــمــة الــــلــــي بــــكــــور الـــغـــيـــث فـــردونـــهـــا
الـعــيــد بــيّـــن ونــعـــرف لـيـلـتــه مــــــن عــصــيــر=واهــــــــل الــفـــراســـة مــــــــع الــخـــبـــرة يـعـرْفــونــهــا
والـكــذب مـهـمــا زمــانــه طــــال حـبـلــه قـصـيــر=الـــجـــمــــة الـــراهـــيــــة تـــلــــقــــاه مـــــــــــن دونـــــهــــــا
عـاد انــت يالـلـي عـلـى نبـضـات قلـبـي تغـيـر=حـصّـنــت نـبـضــات قـلـبــي عــنــك فحْـصـونـهـا
شكـرا علـى الجـرح !!ماقصَـرت خيـرك كثيـر=اثــرالــجــمــايـــل كـــــــــــذا الـــعــــالــــم يــــردونــــهــــا؟؟
اسـواتــك اسـواةالاعـمـى الـلــي يــقــود الـبـصـيـر=قـــصـــتــــك يــاصــعــبــهــا عـــــنـــــدي ويــاهـــونـــهـــا
ليه الوفاء عند بعض الناس قطعة حصير؟=حسـب الطلـب تفـرش وفـي سـاع يطوونـهـا!!
مـــانــــي مــجــازيـــك وابـــذكــــرك دايـــــــم بــخـــيـــر=مـثــلــي يـحــافــظ عـــلـــى الاســــــرار ويـصـونــهــا
كنـت احسبـك بحـر مـالـه قــاع واثــرك غـديـر=خــيّــبـــت هـــقــــوات روحـــــــي فـــيــــك وظـنــونــهــا
ودّعـــــــــت ســـمـــومـــك الـــمـــشــــؤم والــزمــهـــريـــر=لــــعــــل بــقـــعـــا تــــحــــوش احــــلامــــك بــشــونــهــا[/poem]

[align=center]تو اشرقـــت يازيـــد شمس الحقيقــة
ماعـــــاد باقـــي شي يمكـــن تخفّيه
سيل الغرور اللي جمح مـــع مضيقـه
جــــرّح ثرى واشجـــار واحجـــار واديــه
واللــــــي لسانــــه عـن مراده يعيقــه
فاته قطــــار الشوق ماعــــاد يمديــــه
اقــــــول يابخـــــت الطيــــور الطليقـــة
عكــــف المخالــب كل مزبــان تبديـــه
وانا بشــــر مانــي حسيب الخليقــــة
كــــلٍّ علـــى كيفــــه ورايـــــه يقديـــه
قلبـــي وطـــن واقفـــال صدري وثيقـة
ماكــــل ماينقــــــال اجيبــــه ووديـــــه
شاعــر واحب الـــورد واعشق رحيقه
واكتب عبــارات الغـــزل والشعــر فيــه
ايضا واحـب الصعب وامشي طريقـــه
من خلقتي يغريني الصعــب واغريــه
الاّ الســراب اخشاه واخشـى بريقــه
واكــــره صحــاريـــه ودروبـــه وطاريــــه
مانـي وهــم خل الوهــم في حريقــة
انا الهـــلال اللي تشـــوّق مساريـــه
وين انت يوم ازهــــار قلبـــي حديقـة
ضيعتهــــا بالبعــــد والصـــد والتيــــــه
وانكان في صدرك من الصمت ضيقـة
مغليك فـــي صدره عتــاب ومشاريــه
صـــارت تقاذفنــــا البحــــور العميقـــة
كلٍّ يجـــدّف مــا عـــرف وين شاطيــه
ويبـــات طفـــل الحلـــم مابــل ريقـــه
ماكل غيمــــة ساقهـــا الحـــظ ترويـــه[/align]

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يادبرة الله نمهل والزمان يشد=نحايل ظروفنا والوقت حادينا
نحشد جيوش الاماني والزمن حاشد=جيش بتربّص برغبتنا وامانينا
احيان يطريلي اهجر ديرتي وآآشد=يمكن رياح السعد صدفة تواتينا
عزآه ياقلبي اللي ماعنه ناشد=ناسه تناسوه وانسوه العناوينا
هذي تفاصيل نبض القلب ياراشد=احلام تبْحر ولاتلقى لها مينا[/poem]

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياصبا نجد لايبطي نسيمك علينا=نسمتك ياصبا تحيي هشيم المشاعر
لو شربنا الفرات ودجلته ماروينا=والظما والجفاف يحاصر احساس شاعر[/poem]

[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يانسمة الشرق هبّي خاطري ضايق=احساسي الليلة الوانه رماديّة
يحيي هشيم الغلا ذعذاعك الرايق=اليالفيتيني بنسمات ورديّة
هواك لو جار في عين الرضى لايق=والسخط ماله بموق العين امآريّة
لاتجعلين المسافة بيننا عايق= وبلا سبب تقتلين احلامنا الحيّة
عسى مزون السحاب تهل وتوايق=على ربوعٍ لها حولين مسنيّة
يصبح ثراها بنوّير الحيا فايق=وتصير ريضان وازهارٍ رمنسيّة
ويصد غدر الزمان بوجهه البايق=نلبس ثياب الفرح لو كان عاريّة[/poem]

[poem=font="Simplified Arabic,5,undefined,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يامترف الحس هام القلب ف احساسك=وصَلته اعلى نجــــوم الليــــل وارفعهـــــا
واليوم عندي طلب قلَي فـــدى راســك=نبضـــات قلبـــك قصيـــدة ودَي اسمعهـا
ليت الليالـي عطرهـــا الدايـــم انفاسـك=حيث انَك احلـى زهــور الروض واروعهــا[/poem]

[align=center]تأخرت في مواكبة ثورة الهواتف الذكية
ورغم انها اجهزة انفصال اكثر منها اجهزة اتصال
الا اني اضطررت ان اذهب الى اقرب بائع اجهزة
واشتري جهاز حينمالم يبقى في المدرسة الا مجموعة قليلة
من الزملا وانا منهم على اجهزتنا القديمة
وعندما عدت قلت لهم هذه الابيات من باب المزاح[/align]
[poem=font="Simplified Arabic,5,#0A00FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياكبرحظي صار عندي جلكسي=ودّعت برج المملكة و(ان سبعين)
جهاز فاخر كل شي فيه لمسي=في كوريا مصنوع ماجى من الصين
مادام ماغابت عن الكون شمسي=اب اتسلطن كنّي من السلاطين
ماني بماشي درب والناس عكسي=احب اساير جيلي من الملايين
يآرب لاتبلاني بيوم نحسي=واكرمني بصحبة هل العلم والدين
وادحر ردى شيطاني وشر نفسي= واحشرني برحمتك ضمن المساكين
واجعلني اصبح في هدايتك وامسي=ياهْل القلوب الطاهرة قولوا آمين[/poem]

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
مرتني سنين الرخا والمعاناة=وانا على الاطلال وآقف مكاني

يذكرني النسيان وانسى اني انساه=واليا نسيته لو دقيقة دعاني

كنّي سجلٍ مطوي جوف مخباه=اليا دعاه الشوق فز وقراني

والّا طفل ماتو هله ماتبناه=الّا الضياع وحظّه البهلواني

اليا تقدمته رماني بشلفاه=واليا سبقني خطوتين احتراني

ليت الزمن يسمح ببيعه ومشراه=وابيع حظي واشتري حظ ثاني

ياشين حظٍ ماعرف وين مرساه=يلعبه الموج ورياح الاماني

ضل الطريق وكل حظٍ تعداه=رغم انه اسطع من سهيل اليماني[/poem]

[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
(الصمت ابلغ )جملة تعبّرعن اسرار الخفوق=اليا تبعثـــر نبض قلبي وانفرط عقـــــد الكـــــــلام

لــو فتشوا في صـدري ولــو حللــوا دم العــــروق=مالقيوا الا اطلال غيمــة مـــرّت وفــــل وخـــــــزام

بعض الغلامثل الذهب ماينوجد في كل سوق=الكيف غيـــــر الكم لو الوزن يحسب بالجـــــرام[/poem]

[align=center][foq]هبّـــت ريــــــاح الفقــــــد منّــــا ومنّــــا
لين اجرحــــت قلبــي وثـــوّر عجــاجــه
نــــود الليـــالـــــي فالحنـــايــــا تونّـــــا
والحزن عربــــد في خفوقــي وداجــــه
تقل ان سيــــف طــــاح فيــــــه وتثنـــا
قطّـــع شرايينــــه وعكّــــــر مزاجــــــه
امـــــــي جــــزاك الله بالخيــــــر عنّــــا
عهــــد مضى كنتـــي لنا كـل حـاجـــة
كنتــــي لنـــا الشمس المطلـة وكنّــــا
فعيونـــك الكــــون الفسيـــح وفجاجـــه
ليلــــة رحيلــــك طايـــر الحـــزن غنّــــا
وامسى على سقف الخفـوق وسياجه
عزاه كـان السعـــــــد صـــــد وتونّــــــا
شوّح بوجــــه كان يضحــــك حجاجــــه
يارب لي في رحمتـــك حسـن ظنّــــــا
اجعــــل قبرهــــا مايطفـــى سراجــــه
شيّــــــد لهــــــا فالخلــــــد قصر مبنّــا
قصــــــر رفيـــــع وعاليــــــاتٍ دراجـــــه
امـــــــاه لـــــو اشرح ملامـــــح حزنّــــا
حزنٍ كوى الضلـــــع القصيّـــر وعاجــــه
ميـــــر العــــــوض باللــــه وللــه حنّــــا
الا مــــــر عنـــــده دبرتـــــه وانفراجـــه[/foq][/align]

[align=center]الله من مــــوقٍ تكــــدر مباتـــه

......... لو الكــرى يشرا وينباع لاشريــه

لالا تصحي هاجسي من سباته

.........حسب الغلا االي ذاخره لاتصحيه

توّك تجي والليل يجمع شتاتـــه

..........عانــــه يلــــوّح للمحبيــن بيديــــه

ماهــوب متندّم على شي فاته

..........ياخــــذ منه وقته ومــرات يعطيــه

لاتلعب بشاعر حروفـــه فراتــــه

.......... لو حوّلت في بحــر لجّي تحليـــه

انكـــان باقي شي لليل هاتـــه

.........وانكان عندك شي للصبـــح مابيه

عينت حبٍ مـــات ينبض رفاتــه

........هذاك حبّك نسمةالشــوق تحييه

ان هبّت الذكرى تغريف نباتـــه

........تلقى النفل والفل والورد كاسيـــه[/align]