مسْرح الجـــــرْح

[poem=font="Simplified Arabic,6,undefined,normal,italic" bkcolor="" bkimage="" border="none,4,#400000" type=3 line=0 align=center use=ex num="0,#400000"]
يانبض قلبي ماعلى قلبي خلاف=دام انت شريانه ودمّه ونبضه
ياساكنٍ في عرش روحي والاطراف=ومستحل القلب طوله وعرضه[/poem]

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ارجوك ياقلبي تعال نتعلّم=وشلون نثقل وانتكبر ونجفا
لجل ايش نشقي حالنا ونتألم=تكفا تعال نقلّد الناس تكفا
كلن ليا احتاجك نصاك متولّم=بهروج مثل الشهد والذ واصفا
يمدحك لجل تحط الاكتاف سلّم=واليا صعد صد وتجاهلك واقفا
اليا تقضّى لازمه مايسلّم=يقعد يدورلك سفينة ومنفا
خداع ففنون النذالة معلّم=رغم ان له قلبي من سنين مرفا
ياقلب وشعاد انْحكي ونتكلّمثوب الستر ضافي وسترالله اضفا
حاربت عنهم لين سيفي تثلّم=واردفته برمحٍ وحربة وشلفا
مبطين نحلم بالوفا وانتحلّم=راح العمر والحلم يصحا ويغفا
واليوم لاتشكيهم ولاتظلّم=اصبر لعل جروح الايام تشفا
ومن بعدها هيّا تعال نتعلّم=وشلون نثقل وانتكبر ونجفا[/poem]

[poem=font="Simplified Arabic,6,#000000,bold,italic" bkcolor="" bkimage="" border="none,4,#400000" type=3 line=0 align=center use=ex num="0,#400000"]
لك وحشة ماهي لغيرك من الخلق=من جد لك في باحة الصدر وحشة
من شفتك اسعى للحيا والهوى الطلق=من فرحتي جيتك من اقصاي برشة[/poem]

[align=center]تفداك نفسي يارسول الهداية
...............يفداك ابي وامي وكل المخاليق
ويفداك من يرفع للاسلام راية
...............متسلّح بعلــم وهدايـة وتوفيــق[/align]

( عيد الوطن)
عيدالوطن ماهوب فوضى وتعطيل
خلق الله ولاهوب رقص وسماجة
بعض السوايا ماتجي للرجاجيل
عواجة ياكبرها من عواجة
كم حاجة فالحال تحتاج توصيل
وعطلوها اهل الكدش والسذاجة
تجمهر وفوضة ورجة وتطبيل
واشباح ترقص رقص خزي وغناجة
اللي كما هذا عساه الغرابيل
في ذمتي ماللوطن فيه حاجة
اجدادنا كانوا هل الهجن والخيل
ماورثونا المرقعة والهماجة
اهل القناواهل السيوف المصاقيل
ماساروا دروب الخنا والدواجة
شوفوا حضارات البشر يالمهابيل
اليعربي والفارسي والخواجة
طموحنا وطموحهم والمحاصيل
وافعالنا وافعالهم فالمواجه
تعدوا المريخ والجدي وسهيل
واخطر مرض شقيواولقيوا علاجه
اخذوازلال العلم من راهي السيل
والضايعين اخذوا غثاه وهماجه
ليت الرعيل الاول يويق ويخيل
اسواة ابن حيان والاابن ماجه
والا ابن سينا وابن رشد المشاكيل
شادوا فنار العلم واعلو دراجه
وحنا على الالحان ياليل ياليل
والكل منا ضايع في عجاجه
هذا وطنا تاج عز(ن) كما قيل
بري(ن)من اهل الصخب واللجاحة
ياشين حظ اللي يهينه وياويل
خبل(ن) يعكر فرحته وابتهاجه

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يادانة الساحل الشرقي متى الله يريد=يجيك غواصك المغروم والاتجين
بحّار ومغامر وشاعر وعشّاق صيد=يشقى ورا الصعب والدر النفيس الثمين
يلاحق المستحيل بكل فجٍ بعيد=ويضمّنه ذكريات مع حصاد السنين
ياخذ قراره بلا رجعة وراسه عنيد= يمكن بلين الصخر لكن هو مايلين
واليا نشدته وش انت من التعب مستفيد؟=قال الشقا لو سدى في حشمة الزين زين
ويقول انا مابذرت الود لجل الحصيد=الا على شان تكبر شجرته فالوتين
ويقول بعض البشر للروح جنّة وعيد=طاريه عودة وفل ونرجس وياسمين
هذا الغلا العف يبقى فالضماير رصيد=ماعكرته الظنون وسطوة الحاقدين
مجرّد احساس طاغي يدّرج فالوريد=يسير سير الدما ويشق صدر الحنين
ان زار طيفك عيوني نبض قلبي يزيد=تكرم عيونك وتكرم لجلها كل عين
غلاك بين الحنايا سرمدي مايبيد=تذبل نجوم الليال ونور نجمك يبين
فيك اختصرت الفرح والحب يااعزّ سيد=وعن غير حبك ف انا من جملة التايبين
انت اجمل اوراق عمري وانت بيت القصيد=وانت الضنين الذي م ارضى بداله ضنين
اليا تخيلت وجهك طل فجر جديد =لو ترحل الشمس م اسأل راحت الشمس وين[/poem]

[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يقول اللي وهب قلبه لنهابه=عساه فداه من بد المخاليقي
نهب قلبي وعلقني على بابه=وانامتغاضي وراضي بتعليقي
قضيت اجمل سنين العمر طلابه=على كور النجيبة ناشفِ ريقي
تسافرله وفود الشوق ورْكابه=وتنكف تحمل اطيافه مشاريقي
اسواة اللول والمرجان ماعابه=رداة السوق وهروج المطافيقي
وكاد ان المسا يبدا من اهدابه=واكيد ان الضيا من خده يفيقي
لفى المرسال يسلم راس كتابه=حروفه حافز لحومي وتحليقي
مزخرفلي حروف النور فكتابه=وانا ارسم نبض قلبي في طواريقي
يقول الشعر يزهى بك وتزهابه=وانا اقول انت تزهابك معاليقي
اليا ذعذع هواك وفاحت اطيابه=تبخّر كل همّي وانجلى ضيقي
اطيّرلك حمام الود واسرابه=من اغصانٍ على معلوقي تويقي
حروفك فاس وهموم الزمن غابة=وبوحك موسم اعيادي وتشويقي
نهار ان الفرح يهديك جلبابه=اقول اشرق نجم سعدي وتوفيقي
غلاك بوسط صدري ثبّت اطنابه=على وضح النقا مافيه تبريقي
يليق الك الغلا ياجنّة احبابه=وفيّ العهد صداق المواثيقي[/poem]

امّا اتسكــــــع فالتويتــــر وفالفيس
.......................وادوّر حروف تشابـــه حروفــــك
والاّ احسن امرح واتعوّذ من ابليس
....................لعلي احظى في منامي بشوفك

[poem=font="Simplified Arabic,5,undefined,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
هلّت العشر يابخت الذي يغتنمها=في صلة رحم واحسان وصيام وعبادة
الموفّق يحارب غفلته ويهزمها=والله ان التقى والدين باب السعادة
لاتبعثر سويعات العمر وتْهدمها=حث الاقدام فدروب الهدى والرشادة[/poem]

البارحة ف ظلال حرفـي تمشيت
.............. شرّفت نبضي يابديـــع الوصوفــي
على سنا ضوّي قدعت وتقهويت
.............في شرفة الوجدان يااغلى ضيوفي
لاتقول مامريــت ركنك ولاجيت
.............وآثار عطرك باقيـــة في حروفــــي
لاتجحد انّك فيه سيّرت وابطيت
.............واستقبلتك ابيات شعري صفوفي

[align=center]عــــــــام مــــضـــــى واقــــفـــــى ومـــــــــرت لــيــالــيـــه
فــــــي كــــــل قـــلـــبٍ حــــــط بــصــمــــــة وتـــذكـــــــار
الله يـــاكــــثــــر الـــعــــبــــر والـــقــــصــــص فــــــيــــــه
لـــــو اقــــدر احصـــــي وشحصـــل فيــــه وشصــــــــــار
احـــــــــداث هـــــــذا الـــــعـــــام والـــــلــي مـــوالـــيــــه
فـيــهــــا عــبــــر لاهـــــــل الـبـصـيايـــــر والابــصــــار
نـــــهـــــايـــــة الـــــقـــــذافـــي وحـــــســـــنــي الـبيـــــه
وابـــن عــلــــــي والـعـنـــــف فــــي كــــل الاقــطــــــار
واقـفــــى عـلــي صـالـــــح عــســــــى الله يـجـازيـــــــه
بــعــــــد طــغـــــى وافــســد وشــعــب الـيـمــــن ثــــار
وبــــشــــار جــــــــاه الــدور والــعـــلــــم نــاصـــيـــه
يـــــــارب لايــبــطـــــي عــــلــــى الارض بــــشــــار
عـــــام رحــــــل وادبـــــــر بـــــمـــرّه وحــــالــــيــه
فــيـــه اسـطــعــنّ شــمـــوس ونــجــــــوم واقـــمـــار
احــــــدن الــــيــا طــــرّوه بــالــخــيـــر يـــطـــريـــه
واحـــدن يـــنـــوح ويـــــــذرف الـــدمــــع مـــــدرار
كــــــم غـــالــي يــبــكـــي عـــلـى فـــقــــد غــالـــيه
وآخـــــر قـــضـــى عـــامـــه مـــلـــذات واســـفـــار
احــــــدن كــنـوز الـــــرزق والــخـــيـــر تــآتـــيـــه
لـــوكــــان مـايــمــشــي لـــهــا خــمــســـة امــــتـار
واحــــدن يــبــــى الــطــالات والــوقـــت حــاديـــه
يــصــبــح ويــمــســي فـالـتـعــاســة والاعـــســــار
والــعــمــر يـــجـري لـــيــــن يـوصل مــراســيـــه
والادمـــــي مـــجــــبــول بـــالــــشــر والــــــخــار
يـــفــــخــر بــــــوقــت ضــاع فاللهووالــــتــــيـــه
مـــــايـــــدري ان الـــــوقــت صـــارم وبـــــتـــار
مــــن ســــــــــوّف يـــــغــره زمــانـه ويـــــرديـه
الــجــهـــل والـتــســويــف تــــغـدي بــالاعـــمـار
ويـابـخـت مـــن يـمـشــي عــلــى نــهــج وآلــيــه
ولامــــشـى فــــي ســــكة الــــخــزي والــــعــار
مــمــدوح بــــــيــن اولاد عـــمّــه وعــــانــــيــه
مــــابـــــاق ولا دوّر لــ غــــــرّة الـــــجــــــــار
يالله تـغــفــــر ذنـــــب عـــبـــدك وتـهــــديـــــه
عــــافـه وجــنّـــبـه الــمــصايــب والاخــــطـار
ثــــــم اجـــعـــل الــفـــردوس داره وواديــــــه
مـــع الــنــي واصــحــابـه الـــغـر الاخـــيــــار
واكـتـب جـــنــــان الــخلـــد لامّـه ول ابـــيــــه
نـــهــار كــــلٍّ لـــه مــــــقـــــــرّ ولــــــــه دار
انـــــســان لـلــفــردوس سـعــيــــه يـــودّيـــــه
وانـــــسـان تـغـــديــبــــه خــــطــايــاه لـلـــنـار[/align]

مسا المشاعر والشعر والاحاسيس
................... واللحظة اللي جابت الشوق صدفة
لن شفته افرح لو هجوسي معابيس
.................. واتوه فـي حرفـه وعطفـه ولطفــه

[poem=font="Simplified Arabic,5,undefined,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
الصبـــح بلســــــم والمسا سلــة اوجــــــاع=والحــــلم يذبـــــــــــل والولـــه يحتوينــــــــــي
لولا المزون اللي لهاالنبض مطــلاع=ظمــــا السنيــــــــن المستبــــــده روينـــــي
اجتاز هقوات البشر حـــد الاقنــــــاع=ثـــــــم اتعثـــــــــــر بيــن نفســــي وبينــــي
بيني وبين اوراقي اخــــــلاف ونزاع=وبيني وبين الحرف عشـــق وحنينــي
وبيني وبين احلامي ذيابٍ جيــــاع=وبحرعلى صــدر الجفــــا يحترينـــي
اجدّف بشريانـــــي وقلـــــــــــــــبي اشــــراع=وانخى العواصف ياهبوب اغرقينـي
واحدى خفوق يحتدم بين الاضلاع=كــــم يوم تستفــــزع ضلوعـــي يدينــــــــــي
واضيع واقوم انشد الناس من ضاع؟=واحيان ادل الدرب واقــــــول وينـــي!
نظرات عيني للسما م اعشق القاع=من خلقتي ماتعشـــــق القـــــاع عينــي[/poem]

[align=center]الجــو يستنهضني اكتبلــه ابيـــات
................ نـو ومطــر وبروق ورعــود وسيــول
وابعث سلامي من جبال السراوات
............... مع السحاب اللي مع الريح محمول
للي هواه استوطن النبض بالذات
.................واطيافه تحاصر عيوني على طــول
وغلاه يجري في جميع المسامات
.............. مع اكسجين القلـب فالـــدم منقــول[/align]

[align=center]لن طاب حظي لـــ اغيّـــر خارطة قلبك
...............واخلف تضاريسه وطقسـه وسكانـه
واذوّب الشهد في زادك وفي شربك
............... واجيب قوس المطر واهديلك الوانه[/align]