مسْرح الجـــــرْح

يانسمة الشرق هبّي خاطري ضايق
احساسي الليلــة الوانــــه رماديـــة
يحيي هشيـــم الغلا ذعذاعك الرايق
اليا نصيتينـــي بنسمـــات ورديــــــــة
هواك لو جـــار في عين الرضى لايق
والسخْط ماله بوسط العين آماريّــــة
لاتجعليـن المسافـــة بيننــــا عايــــق
بلا سبب تقتليــن احلامنــــا الحيّــــــة

[align=center]حرفك محلّى بخفّـــة دمــــك وطيبـك
مثل العسل من حلاتــــه مايحلونــ،ـه
لو تتعب النفس ماتلحـــــق مواجيبـك
شاهد غلاك اثمر ومالت به غصونـــه
ياقربك من المشاعر شــوف ترتيبـك
أوّل وفود الخفـوق وساكــن ركونـــه
ليت الوسايــط مناديبــــي مناديبــــك
تعطيك سر الخفوق وسر مضمونــه[/align]

[poem=font="Simplified Arabic,5,#2100FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
حصدت الصمت وانا باذرن قمح الحكي بالكـوم=خسارة ياكثـر زرعـي ويـا قلّـة محاصيلـه
وانا مااحب جلد الذات ولااعشق سيـاط اللـوم=ولاارسم للاماني حلم واغـرق فـي تفاصيلـه
وسوق الرخص مافكرت اجيه ولااشري ولااسوم=اعاف اللي بخس وزنه والـوم مطفّـفٍ كيلـه
احب اللي هواني واذكـره بالساعـة وباليـوم=ولاانسى صحبة الغالي ولو شحّـت مواصيلـه
افصلّه من احساسي ومن خام القصيـد هـدوم=واجيب الحرف من بستـان ورد وود واهديلـه
انا مااكون شاعر كان مااهدي للنجـوم نجـوم=واغيّـر للشفـق لونـه وابعثـر للقمـر ليلـه
يسافربي حنيني كلما انشا فـي سمـاي غيـوم=لقلبٍ يحتويني طـول عـرض وهمّـي يشيلـه
عليه من الغلا ومن الهوى ومن الجمال وسـوم=اليا نامت عيون الخلق جتنـي غازيـة خيلـه[/poem]

[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
إلاّ الوطن ماعندنا فيه مرة=ماعندنا في ذرّةٍ من ترابـه
ياحلوه وياحلو حلوه ومــرّه=غير الجمال عيوننا ماترابه[/poem]

[align=center]كلمــــا جيت اكتب لحضرتك بيــت
امسحــــه واقــول هذا مايلــيـق

انت نبضٍ في وسط صدري يبيت
مالقاله غير شريانـــي طريــــق

حالفٍ لاارصّع اسمك لن حييــت
باللآلي والجواهــر والعقيــــــق[/align]

[align=center]من قال نامت عيون الحب صدقني
ماغاب طيفك عن عيوني ولاليلة!!؟؟

حتى وانا بين خلــق الله تسرقني
واسترجع الماضي وروعة تفاصيله

انت الذي في بحور الشوق تغرقني
واخــرم لفنجانك اللي زايد هيلـــه

لو تشّر اجيك والاشواق تسبقني
القلب يمّك قبل يمطر يجي سيله

ياما ليالي وجمر الشوق يحرقنـــي
م غير اسولف لطيفك عنك واشكيله

ادمنت سجنك ولو حاولت تطلقني!!
اسرق مفاتيح قلبك وارجع بحيلـــــة

وان حاول انسان عن دنياك يفرقني
اقول ياعمّــــي تنيّل قتــــك نيلــــة

خلّو حبيبي بحبل الـــود يشنقني
انا كــــذااحب تعذيبــــه وتدليلــــــه[/align]

طيفك مسوي في عيوني هوايــــل
في كل يوم يزورني عشر مـــــرات
ماكنه إلاّ جاي مــــن يـــم حايــــــــل
كريــم حتـــى ف الوصـــل والزيارات
ياحاتمي الطيف ويش انت قايـــــل
فاللي يطوفه ليــل وثنيــن مابــــات

[align=center]راجعت صفحـــــة هوانا مالقيت إلاّ
ابياتي اللي بعطـــــر الورد كاتبهــا
وانته على هامش الاوراق تتسلى
ترسم قلوب وسهم الحب صايبهــا
يانفحـــة الورد والريحــــان والفــــلا
ذكراك تلفي على النفس وترتبهـــا
لبيــــه لــو كنت تتبغــــدد وتتغــــلا
انا كذا اعشق نجوم الليل واطلبهــا
واهوى بروق السحاب وجاهز هــلا
والغيمة اللي همت وارخت ذوايبها
واطرب لروض زهاه الفجر والطـــــلا
وارض خيالية امشي في مناكبهــا
وان قلتلي شوف غيري قلتلك كـلا
ياجوهرة روحــي وغايــــة مطالبهــا
صحيح ياصاحبي عهـــد الجهـل ولا
صرت اجبرالنفس واردعهاواحاسبها
إلاّ قضيــــة غرامـــك مالهـــــاحـــلا
ف/اسمى مطالبي وفااعلى مراتبها[/align]

[align=center]ياكثر ماذاق من ظلــم البشر قلبـــي
يخطونه اعداه ويصيبونــــه احبابـــــه

واللي سكن في ذرا وجداني وقربي
تفج صــدري سهــام اللــــوم وعتابــــه

ودّه يحاسبنـي بذنــبٍ مهـــو ذنبــــــي
وانا مجنّب مشاريهـــي عن حسابـــه

يحطب بفاسه بساتين الغــلا حطبـي
ويحاول يمــزّق اوراقــي مــن كتابــــه[/align]

[align=center]البارح استنفرتي احساسي قصيد
مافيه عرق في خفوقـــــي ماكتب
حسيت وان الجرح ينزف من جديــد
وان الالــــم من مكمنــــه فز ووثــب
ماهـــو اكيــــد اني نسيت إلا أكيـد
اني رويتك صمــت واشبعتك عتــب
احيان مدري من عذابي ويش اريـد
واحيان اقول ان السعـــادة فالتعـب[/align]

[align=center]بعض البشر وفد المشاكل مخاويــه
عــان القشــــر يبراه كنّــــه ظلالـــــه
ان مالقى حــولــه خصيـــمٍ يعاديــــه
يدوّر اقـــــرب واحــــدٍ مـــن عيالــــــه
وان سلمت ام عياله من المشاريــه
ماهـــو بعيــــد انـــه يلابـــش خيالـــه
من يوم عمره عشـــر هـــذي مباديه
شارب كؤوس الشر حتــى الثمالـــة[/align]

[align=center]تعــــال شـــرّف صفحتي ف الفيس بـوك
اكتب لك احساسي ب اسم ربان حـرف
اقلط على طيب وغــــلا مابـــه شكـــوك
واغرفلك من الــــود ومن الشوق غـرف
لو ناظـــروا في عينـــي العربـــان اروك
عجـــزت ادسّك بين رمش وبين طــــرف[/align]

[align=center]بعض الغلا مثل الاسم وشم فالذات
يموت راع الاسم والاســـــم باقــــي
عاد انت ياوجــه السعــد والمسـرات
طرياك موطن لهفتي واشتيــــاقـــي
عليك طير القلب يكفـــــــخ مسافـات
من الحجـــاز اليا حدود العراقــــــــي[/align]

[align=center]مبروك يالكاس بالاهلــي
وكاد مافاز غير الكـــــاس
تيه وتبختر علــى مهلـــي
في قلعة الدر والالمــاس
هلال العتيبي
(ربان حرف)[/align]

[align=center]احتفاء الطفل احمد فهد الغامدي
في مدينة الطائف منذ اربعة ايام
اسأل الله ان يحفظه من كل مكروه
ويعيده لوالديه
دعواتكم
...
ياالله سألتك تحفظ احمد وترعــــاه
رحمااااك ياللي رد يوسف ليعقــوب
يارب ترمي بالمصايب من اخفــــاه
ولا تخلّي فوقه من الستـــر ثـــوب[/align]