شاعر وَ قصيدة(ملف من إبداعات شعراء وشاعرات الندواي)

[كبرياء]

نجم النداوي ( محمد السليس )









/ ملفى الهجوس /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]


مرحبا بالهاجـس اللـى مـاوراه طلابـه=قدح راسي لاضوى همى وضـاق البالـي
من صلاة العصر باد ٍ في حجـا مرقابـه=احترى وارقب حضوره فالطويـل العالـي
جايني كنه خيـول ٍ فـي ظهرهـا لابـه=ايغـزون ويكسبـون ويِزبنـون الجالـي
لالقوا راعـي مظاهيـر ٍ يحـث اركابـه=جنبوا عنـه .. وتلقّالـه خريـم ٍ خالـي
كـن واحدهـم مبصّـم مايـرد الجّـابـه=ضاربلّه جمـع قـوم ومـردف ٍ خيالـي
سربة ٍ وعيـال عـود ونارهـم شبابـه=تفرح بصـوت النذيـر ولطمـة العيّالـي
وان حضر وقت الملاقـا وردوا الهيابـه=وآخذوا ثار الهنوف اللى رمـت بالشّالـي
جايهم رد البـري مـن ربعـة ٍ حرّابـه=وركبوا فوق الاصايـل ملحقيـن التالـي
واهجـدوا دار المعاديّـه هجـاد ذيـابـه=وآخـذوا كـل الجمـال ولابقـي جمّالـي
ومن سلم منهـم بعمـره سالـم ٍ بثيابـه=ويحمد ربه .. ويرجيه العـوض فالمّالـي
هذا انا والهاجس اللى حى ابـو ماجابـه=لاطرالي عقب مده فـي حـدا الاطلالـي
لين يمسي بيت بـدو ٍ مجوديـن اطنابـه=لو تهب مع الصبا ريح الشفا مـا مالـي
ودى اطربّه واسلّـى خاطـرى وأسلابـه=كود اخفف ماعلى متنـى مـن الاحمّالـي
كلها من موقف ٍ جـا ماحسبـت حسابـه=هرجة ٍ جتنى من القايـل وسمّـت حالـي
من رفيق ٍ كنت احشّـم لحيتـه وأشنابـه=مير فرّحبـي عـدوّى وأشمـت العذالـي
والله انى قبل مايبدا الردى مـا ارضابـه=وأفتديه بكّـل مالـى لـو يبـا وعيالـي
وأثره اللـى كـلّ ماقفّـى يحـد انيابـه=والسّهم لاجا من الصاحـب يجـى قتّالـي
مار ابمسحها بوجهى لو تشّـد اعصابـه=وأرتفع وانسي مـدام الله رفـع منزالـي
والحبيب اللـى يـزاول صدّتـه وغيابـه=ليته يعّـود وينعـش خاطـرى بوصالـي
يدرى انى من غلاه اهوى وأحب ترابـه=وأعشق ارض ٍ داسها بالساق ابو خلخالي
ويدرى انه ساكن ٍ بين الجفـن واهدابـه=وانّه عيونى وروحـى والحبيـب الغالـي
ويدرى انى بيـن نـار ظنونـى الكذابـه=هو ..نسا .. والا سلا .. والا يحب ّ بّدالي
ماحد ٍ غيره خـذا قلبـي ونـال اعجابـه=مير عرضنـى تهاتيـه الخـلا واللاّلـي
ولابقا من ذكرياته كـود ريـح خضابـه=والحلـوم اللـى بنيناهـا مـع الآمالـي
وهذا والهاجس اللى حـي ابـو ماجابـه=قدح راسي لاضوى همى وضـاق البالـي[/poem]

[كبرياء]

نجم النداوي ( عبدالناصر آل عبدان )









/ جناح السعادة /




[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

افرد جناح السعـاده فـلْ حاجبهـا=الضيقه اللي بقلبـك مالهـا داعـي
ساعات دمع المحاجر ما يعذربهـا=والعين من كحلها ما هيب ترتاعـي
قد لي شهورن على عمري مصعبها=كن الزعل غيمتي والضيق مرباعي
أسج فكري و أدوج الرجل وأشعبها=مرات واعي ومرّه مانـي بواعـي
أضرب مع الناس خانه كنت شاطبها=لا علّها ما تنقّض باقـي اوجاعـي
اصد عن طاري الذكرى واجنبهـا=لكنّها وسط جوفي بين الاضلاعـي
إن جيت أبي أنسى تِذَكّرني مراكبها=وشوق المواني يحن لفلة شراعـي
حتى نسيم الشواطي مـن هبايبهـا=لحن المفارق يجره داخل أسماعـي
يشقيني الصوت والدنيـا مجربهـا=الآمال غابت ومنها قلّت اطماعـي
تشبهني الشمس لاجا وقت مغربهـا=تغيب واغيب وافقد نور واشعاعـي
لحظة غروب المشاعر كنت حاسبها=لحظه! ومرت سنه وحسابنا ضاعي
ما عاد يمدي السعاده يـا معذبهـا=فات القطار وتوقف بيننـا الساعـي
حزن الملامح بقى للعيـن حاجبهـا=من قال لك ضيقتي ماكن لها داعي[/poem]

[كبرياء]

نجم النداوي ( عوض بن شفلوت المناديه )










/ اعتبرني موووت /




[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

البلا لا صـار خلـك مهتويـك=ويمنعـه ان اسرتـه متـشـدده
ما تشوفه لو تبيـه ولـو يبيـك=الا بالـوسـائـط المـتـعـدده
يا غناتي لي متى وانا ارتجيـك=ولي متى وهرجك علي تـردده
طارت طيور الهوى وانا شبيـك=وسالفتنـا الاولــه متـجـدده
سلكي اللي بأول الدنيـا سميـك=صارت اشواق الحنيـن تقـدده
والله ان ودي اسويهـا واجيـك=غير عيـدان الشـروك ممـدده
وحلمي اللي جاء بك وعود عليك=مستحيـل ان الظـروف تبـدده
والله ان مالك وسط قلبي شريك=وأنت طبعاً قـر بـه او نـدده
اعتبرني موووت واني فيك فيك=ما يجنـب عنـك لـو تتـودده
جاك قلبي وطاح في راحة يديك=والمشاكـل كـل يـوم تهـدده
خف عني يرحـم الله والديـك=دام فاتـورة هـواك مـسـدده
موت فيني والا انا قد مت فيـك=والوعـد لابـد يـوم نـحـدده[/poem]

[كبرياء]

نجم النداوي (عبدالله بن راجس )











/ خــلّ الضيقــة /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]


اضحك على شاني وخل الضيقه = لاهيب لامنك ولا انتب منها
شين يكدر خاطرك ماطيقه = الاعمار يادنياي من يضمنها
وحلمٍ حلمته ليه انا مافيقه = وامشي على خير الدروب ايمنها
واليمه الي جيتها توهيقه =انا اتحمل ضعفها واسمنها
متني يشيل بغربه وتشريقه = يبعد مداه ولاقصر بطمنها
ولا انت ياصبح السعد ياريقه = اليا اقبلت دنياك لاتامنها
بس انتبه لاتنحبس للضيقه = لاهيب لامنك ولا انتب منها[/poem]

[كبرياء]

نجم النداوي ( شجاع عمر الأكلبي )










/ المشـــاعر جريحـــة /




[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياحمد بـن جميلـة لا تغـرك إمزوحـي=والله إني حزيـن ٍ والمشاعـر جريحـة
من همـوم ٍ بقلبـي مرمسـة ماتروحـي=وإن بغيت أنصحه عيا يطيـع النصيحـة
واهج الحزن في قلبي سـدوح ٍ لدوحـي=كل يوم ٍ يجينـي فـي هجـاد وصبيحـة
ومن شماميت خلـق الله كنّيـت نوحـي=وأعرف إن السبب ناموس ماهو فضيحـة
صار لي حول عشر سنين أعاني جروحي=بين فقدي غـلاي ومـن وجيـه ٍ قبيحـة
هم ياللي بجوفـي قـام جـوره يفوحـي=كاتمه عن عـدو الجنـب ماشـم ريحـه
والله إنه غبوقي مثـل ماهـو صبوحـي=مايخفـف عنـاه إلا الفجـوج الفسيحـة
سببه من بقلبـي بانـي ٍ لـه صروحـي=سببـه فقـدي رجـال الوجيـه الفليحـة[/poem]

[كبرياء]

نجم النداوي ( سعود الدهيمي )









/ أشـواق الــغلا /



[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]


لاتوجع القلب الشقي ياصغيّر=وتزوّد اوجاعه وهو منك وجعان
مالك ومال الماقف اللي يحيّر=اللي لياماهان الاحباب ماعان
يابو جبينٍ في دجى الليل نيّر=انا على شوفتك ظميان جاعان
يوم اني آخذ ثم اجيكم مسيّر=فاكثر من املا العين ماني بطمعان
لو تعترض مثل الغزال متذيّر=مليت عيني منك واقفيت قنعان
ماني بمن عينه نظرها قصيّر=اللي يحسب ان الهوى لعب ورعان
ولاني بعن سلم الجدود متغيّر=شجاع وامشيلي على درب شجعان
ولاطعت في حبك من الناس خيّر=ولا اذعنت للي ينقل النمه اذعان
اللي يجيب من الهروج ويظيّر=يفرح ليا امسى شمل الاحباب قطعان
ولاداج في قلبي من الناس ديّر=غيرك واذا تبغى توكّد منه عان
لاجاه غيرك قو بخله يطيّر=وان جيته انت اقول كريم ومعان
لن الجمال اللي وصوفه تحيّر=يقود شوقي لك مثل قود الاظعان
ويحن قلبي حنة ام الحويّر=اللي رقد سبع الخلا منه شبعان
وتجره اشواق الغلا ياصغيّر=جر الربابه باعذب الحان مشعان[/poem]

[كبرياء]

نجم النداوي (حمد الدحابيب )









/ العفيف الوافي /




[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]

يالله أطلبك الرضا ماطلبـك غيـره=يا جليـل الملـك يـارب العبـادي
عالمـن وقتـي ونكباتـه وخيـره=والبياض اللي على حد السـوادي
والذنوب اللي تداريهـا السريـره=ترتجي رحمتك في يـوم الزهـادي
يوم نفس الادمي تصبـح شريـره=والأنانيـه تهـيـم بـكـل وادي
نجنـي يـارب والضيعـه مريـره=فالمكـان وفالعيـون وفالـفـواي
ماحديت الهجس لاحقنـي قصيـره=غير من من غاب عن قلبي وعادي
صاحبن سيرتـه فالخفـاق سيـره=وضع حبه لا حشا ماهوب عـادي
من غلاه اشتاق وعيوني بصيـره=واكتم الاشواق وانا فـي جهـادي
العفيف الوافي اللـي مـا يثيـره=ما يثير المترفـات مـن الغـوادي
والله ان امـوت ماحبيـت غيـره=يا مـدورة السوالـف والـدوادي[/poem]

[كبرياء]

نجمة النداوي (الجفول )









/ ملهم قصيدي /






[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أنا شفاتي من ورا الجدي وسهيل =شيخ الشيوخ اللي سملهم جديدي

هذاك غاية مطلبي نافل الجيل =الباتع الضرغام سم الضديدي

حبه وسمني ميسم الندر الحيل =وشوفته عيدن ما يضاهيه عيدي

عسا دياره للحيا وابل السيل =دارن غلاها ساطين في وريدي

عسفتني عسف الأصايل من الخيل =وروضتني وجيتك على ما تريدي

يا الشهم يا الناريز يا وافي الكيل =يا اللي بفعلك كل ربعك تشيدي

يا العنبرالصافي ويا ريحة الهيل =يا مبتدا حلمي وملهم قصيدي

يا الحر يا الصنديد يا عادل الميل =يا أستاذ عمري يا معاني نشيدي

يا شمعتن ضوت علي عتمة الليل =يا اللي معك أفراح قلبي تزيدي

أبيك لاكن وأين أنا وأنت والويل =لا نوخت ذودي وذودك شديدي [/poem]

[كبرياء]

نجم النداوي ( مستور المالكي )









/ وهـــــــــــم /





[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يا سيدي خانك احساسك .... منا صوبك=بيتك لي شهور ما مريت من حوله
من يوم ما ارسلت لي عذرك بمكتوبك=وانا طريح ويدين الشعر مغلوله
وإن كان شبّهتني في ناس مرّو بك=هذي دلايل عذاب الحب وفعوله
ما شفت شي من جنون الحب !!! يادوبك=باقي تشوف الذي تخجل على قوله
باقي تشوف إن وجهي مالي دروبك=وتشوفني في رقاع وجيه مجهوله
الحاله اللي انت فيها .. جت لمحسوبك=كان يتهيّأ لي اشيا غير معقوله
احيان من كثر تفكيرك بمحبوبك=تتوهم إن اي زول يمر بك زوله[/poem]

[كبرياء]

نجم النداوي ( شبيب بن شاهر )









/ شـقـر الـذوايـب /


[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]


مل قلب(ن)كل ماهبت نسانيس الهبايب=اعترض له مايكدر خاطره عقب انشراحه

مر طاري صاحب(ن)من صدته شفت العجايب=صاحب(ن)باسبابه المعلوق ماتبرى جراحه

مشغل(ن)فكري ومتعبني وتعبت النجايب=ارسل المرسول والمرسول ما جاب الصراحه

اشهد ان الحب عنوان السهر وابو المصايب=قالوا ان الحب راحه قلت مافي الحب راحه

اذكر اللي فات واللي فات منه الراس شايب=اذكره واذكر كلامه لاهرج واذكر مزاحه

واذكر السود الوساع وبعثرة شقر الذوايب=يسعد المولى مساه ويسعد المولى صباحه

شوفته مثل العياد وغيبته مثل العقايب=والمواجه راحة المشتاق لاهبت رياحه

آتسلى بالقصيد ويمه آحث الركايب=كود ينزاح الشقاء ويطيب من طول كفاحه

ولاانا قلبي عن دروب الهوى ماهوب تايب=الهوى مثل البحر واناخبيرن في السباحه

بس كانه صار من عقب الغلا هم ونشايب=لازم ادفن مابقالي منه في رمل الازاحه

والعن الشيطان واقول انت ياخل السبايب=مايطير الطير كان الطير مكسورن جناحه

صاحبي لوغبت عن عيني ترى ماانته بغايب=الغلا قلبي مكانه والوفاء لابس وشاحه

لاتزود بداخل المعلوق وهاج اللهايب=طف نار الشوق والحب الكبير اعلن نجاحه

وان نسيتك فاعتبرني من تحت عوج النصايب= ودامني فوق البسيطه قلبي لحبك مساحه[/poem]

[كبرياء]

نجم النداوي ( محسن بن فطيس )










/ غــيــر الــحـب /




[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
إذا منّّه دعاني مـع نسيـم الشـرق داعـي شـوق=ألبّّي لـه واحسـد النفـس يـوم إنهـا تلبّّـي لـه
احسد النّفـس لنّـه مـادرى عـن حبنّـا مخلـوق=ولو تـدري جميـع النّـاس تحسدنـي لحبّـي لـه
حبيبي لو تباطاني تـرى صـدر الصّبّـر مشقـوق=ضميت لوصله اللي لو رويـت ارد واضمـيّ لـه
كريم الحـب خلـي مسكنـه فـي داخـل المعلـوق=قليل شوي، لـو مهمـا علـى شانـه اسـوي لـه
احبّه حبّ // غير الحب // حبٍ غير // طعـم وذوق=معه قبله حياتـي بـس ! عقبـه وش حياتـي لـه؟
إلى منـه نظرنـي بالعيـون اللـي دواهـا عـوق=اقول العمر كلـه لـه / وهـو يـدري بكلـي لـه
وإلـى منّـه تكلـم عـن غرآمـه آه يالمنـطـوق=كأن اعذب حروف العشق مـن همسـه تنـادي لـه
وإلى منّه تمشى لـرض منـه تبوق،مشيـه بـوق=كأن الأرض مـن تحتـه تليـن برفـق و تشيلـه
رهيف احساس / طيب انفاس / مهما اقول منه وفوق=يخون إبيّ الخيال الواقع إليا صغـت وصفـي لـه
خلـق الله تمنـي والبشـر تعشـق وانـا معشـوق=لـو انّـه ماخلـق ويـش الترجـي والتمنّـي لـه
وإلى منّه دعاني له غرامـه لـي صـدوق الشـوق=يطير النـوم مـن عينـي وقلبـي فـز يلبّـي لـه[/poem]

[كبرياء]

نجم النداوي ( سعيد الحمالي )






/ لـحـونٍ عـقـربـيـة /



[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]


كنت أغني لاجلها صبح وعشيه = وأخفي أشواقي عن العالم حياااااء

وأنظم أشعاري "لحونٍ عبقريه" = لا تلبسني جنون الشعراااااء

هكذا غنيتها من غير نيه = وهكذا غنيتها لحن و حداااااء

ما أتكلفها وجتني بالسجيه = هذرمة عاشق ولكن بالغناااااء

جردوني من صفات الشاعريه = وقولوا إن الشعر من شعري براااااء

غصب أطوعها الحروف الأبجديه = ما تهجيت الكلام ألفٍ وباااااء

طيفك الزائر وليله قمريه = هو حياة الروح من عقب الفناااااء

فوقي النجمات وجنبي شاذليه = دلةٍ لكن لها فيك إنتماااااء

ريحها ريحك ومن عودك وريه = إكسبت خصرك ومايخفي الرداااااء

وفيك منها بوجة الخد البهيه = مع شموخ الرأس يا رمز الإباااااء

كنت أسيرك في الهوي كُلت يديه = يا مليك الروح لك قلبي وعاااااء

لكن أيامي رمتني بالرزيه = وصارت الدنيا عناءٌ في عناااااء

وردتني بسمتك حوض المنيه = لين صار الموت مع ضده سواااااء

متهم لكن تلبست القضيه = وسلموا منها العفون الأدعياااااء

شاش رأسي وإشتعل كله حميه = والغضب ماجابلي غير البلااااء

مافزعت لي قوتي وأنتي صبيه = "بهلواني" ضاعت جهودي هباااااء

وضاعت أيامي معك روحة وجيه = عل صبري عقب ما فاض الإناااااء

كم تمنيت أشربك شربة هنيه = وإختلط كأس الهوى طينٍ وماااااء

لا سلام منك ولارد التحيه = أتقدم لك وترجع للوراااااء

من يداوي خافقٍ تشخب دميه ؟ = ومن يرد الموت إذا حم القضاااااء؟

والقوي يضعف ولو طالت سنيه = ولو "يهجهج" يرجع بصوته رغاااااء

إنقطع دربي ونوخت المطيه = ولابقا لي غير ترديد الدعاااااء

وأذكر الله جوف ليلي وإضحويه = وما عدا ذلك ترا كله هراااااء

إنتهت أخر فصول المسرحيه = والبطل فيها تحول موميااااااء[/poem]

[كبرياء]

نجم النداوي ( فالح الشلوي الحارثي )






/ دروس الــوقـت /








[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
بدينا واستعنـا بخيـر هـادي=ولي الكـون خـلاق العبـادي
بديت اكتب من أفكاري خواطر=وبدعت أبيات جزلات ٍ جدادي
اسلي خاطري من هيض فكري=ولساني ينطق بما في فـؤادي
خذينا من دروس الوقت عبره=وميزنا البياض من ألسـوادي
وخذينا في دروب العشق سجه=وهمنا بكـل فـج وكـل وادي
وعفنـا بعـد جربنـا وشفنـا=طريق ٍ سالكه من كان غـادي
نشوم عن ألخطـاي والملامـه=ونبعد عن طريـق ألانتقـادي
ونحط أهل الوفاء والطيب قدوه=ولنا منهج مع الناس ومبـادي
ويا كرهي للحسد وأهل النميمة=ضعاف نفوس وتشيل الدوادي
وكبير النفس مالي فيه حاجـه=ولا ارغب جلسته علم ٍ وكادي
تنومسني علوم أهل الجزالـة=ورفقتهم بعـد غايـة مـرادي
معرفتهم ذخر ماهي خسـارة=ليا حد الرجل في الوقت حادي
رجال الطايله فزعه وجزعـه=لهم صوله وجوله واجتـلادي
ولا تأتـي المراجـل بالتمنـي=طلوع المجد جد ٍ واجتهـادي
عسى ربي على الخير يهدينـا=ويا لله رحمتك يا خير هـادي
[/poem]

[كبرياء]

نجم النداوي ( خالد الذيابي )








/ يــا ميــّاســة /



[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
لبيه يـاروح الغـرام وساسـه=ياوردةٍ فـى مهجتـى مغروسـه
يافاتنه يا شامخـه يـا ألماسـه=يحفظك رب البيت يا محروسـه
غلاك بنـك بخافقـى مجلاسـه=بنكٍ تزود بكـل صبـح فلوسـه
وشوقك بأوردتى يبث أحساسـه=كنـه يطبـق هجمـةٍ مدروسـه
إن قلت أودع ذكرك وهوجاسـه=عادت علي جروحى المحسوسـه
طيفك ليا منه عـزف مرواسـه=أضمه لصدر الوجـع وأبوسـه
ليت الغياب اللى ذبحنـى باسـه=يعلمـك وشلـون حـدة موسـه
وش ذنب من ودع فرحه وناسه=وضاقت عليه الارض فى ملبوسه
يشهد عليـه الحبـر والكراسـه=والليـل لامنـه بـدا بعسوسـه
وزوداٍ على جرحٍ تزيد اوناسـه=يلوم فيك حظوظـه المنحوسـه
لولا الامل بالوصل يحيي ياسـه=وألا غدا فـى حالـهٍ ميئوسـه
البعد يا جعله مـا يسلـم راسـه=شوكٍ على رغم الظروف ندوسه
يـا فاتنـه والعالـم الهـلاسـه=عندك خبر منا غدت مضروسـه
تدرين ويش الموت يـا مياسـه=شيٍ يخلى عاشقك فـى حوسـه
عطرك ليا نسنس شذا نسناسـه=أعيش حالـه ثانيـه منكوسـه[/poem]

[كبرياء]

نجم النداوي (زايد بن كروز )






/ الطخــامة و الوســامة /






[poem=font="Simplified Arabic,5,#000000,bold,italic" bkcolor="" bkimage="" border="none,4,#400000" type=2 line=0 align=center use=ex num="0,#400000"]
مرحـبـا والحـمـد لله بالسـلامـه=هاجساً طـول غيابـه عـن جديـده
من طناخـة راسـه وعالـي مقامـه=مايفـكـر بالقريـبـه والبـعـيـده
ولا يحسب احسـاب لبـاس العمامـه=في الشعر ... ولا العرب .. كلاً وجيده
قوته تفرض علـى النـاس احترامـه=وطيبته فـي نظـرة احبابـه تزيـده
وان كتـب للغصـن غنـي ياحمامـه=واسجعي يروي غمـام الشـوق بيـده
شاعراً ما جاء حرير الشعر خامـه ؟=لا يصفصف فـي الكـلام ولايعيـده
وعاشقٍ مـا عشقـه بظبـي العدامـه=ما وصل للـي يبـي واللـي يريـده
الله الله والطـخـامـه والـوسـامـه=والغـلا والشـوق واشيـاءٍ عـديـده
استبيحـي كـل قلـب وكـل هامـه=واستغلـي فرصـة الشـوق الآكيـده
واخـذي مـن المتهـم روح اتهامـه=واسكني به مـن وريـده ..لا وريـده
حرمـي علـى جفـن خلـك منامـه=وسوي مـن الفبركـه جملـه مفيـده
وسوي من احلى القصايد فيـك قامـه=والمكيده فـي وجيـه اهـل المكيـده
دام راسي شامـخ وراسـك غرامـه=والله انك في الرصيد اجمـل قصيـده
ولبسـي اهـل الملامـه بـا لملامـه=وافتحي صدري واذا .. ذاب بجليـده؟
اخلطي دفـوة اكفوفـك فـي غمامـه=وعلميه شلـون يوصـل مـا يريـده
يمكن انـه فيـك ّ!!! راوده انتظامـه=ماذبـحـه الا القنـاعـات الآكـيـده
من لقى مثلك وجـور الشـوق ظامـه=والله انـه مـا يفكـر !!! فالزهيـده
الفخر للزيـن يـوم اعطـى وسامـه=جيـدك اللـي كنـه ارقبـة الفريـده
ما خذيتـي شـيء ياظبـي العدامـه=بس اخذتـي كـل الاشيـاء الحميـده[/poem]